Біздің міндетіміз — ата-бабаларымызды есте сақтау және құрметтеу

Елорда күні мен Тәуелсіздіктің 30 жылдығы қарсаңында қалада ғалым, академик, геолог Қаныш Имантайұлы Сәтбаев пен халық композиторы, күйші-домбырашы Дина Нұрпейісоваға арналған екі ескерткіш ашылды.
Қаныш Сәтбаевтың ескерткіші Қ.Сәтпаев және Қ. Мұңайтпасов көшелерінің қиылысында, яғни «Қазақстан» спорт кешенінің алдындағы алаңда ашылды. Ескерткіштің авторы — белгілі мүсінші Асқар Нартов.
Ал Дина Нұрпейісованың ескерткіші Абылай хан мен Күйші Дина көшелерінің қиылысында ашылды. Ескерткіштің авторы — мүсінші Бауырқан Жалын.
Елбасы атап өткендей, «домбыра — қазақтың бренді мен паспорты, ешкімге ұқсамайтын қайталанбас келбеті. Біздің мәдени құндылықтарымыз, дәстүрлеріміз бен аңыздарымыз ішекті және күй әуендері арқылы ұрпақтан-ұрпаққа беріліп келеді».
Көрнекті тұлғаларға арналған ескерткіштер Мемлекет басшысының тапсырмасына сәйкес іске асырылды. Қаныш Сәтбаевтың ескерткішін Павлодар облысының әкімдігі қаржыландырды.
Біздің міндетіміз — ата-бабаларымызды есте сақтау және құрметтеу. Олардан үйрену, білімді келесі ұрпаққа беру.

• 11.08.2021
• 213