Қаламызда тұрғындардың бос уақытын денсаулыққа пайдалы әрі ашық аспан астында өткізе алатын көбірек орын ашу өте маңызды

Қаламызда тұрғындардың бос уақытын денсаулыққа пайдалы әрі ашық аспан астында өткізе алатын көбірек орын ашу өте маңызды. Қазірдің өзінде 70-ке жуық аула мен қоғамдық кеңістік аяқталып, ашылғалы тұр.
✅Бүгін, мысалы, құтқарушылар саябағы ашылды. Құтқарушылар саябағының аумағы балалар мен ересектерге арналған аймақтарға бөлінген, кедергі жолақтарын қоса алғанда, экстрим-спортын қолдау үшін түрлі жастағы санаттарға арналған паркур-алаң орналасқан. Сондай-ақ, қала тұрғындарына арналған тыныш демалыс аймағы бар, азаматтық қорғау қызметінің үздіктері үшін Құрмет тақтасы орнатылған, көпір жағында «Public art» суреттелген. Сондай-ақ, аумақта 1964 жылы шыққан АЦ-30 МАЗ 205 арнайы өрт сөндіру машинасы орнатылған. Айта кетейік, бұл көлік Елбасы жайлы түсірілген фильмде көрсетілген.
✔️Құтқаршылар саябағы А. Янушкевич пен А. Пушкин көшелерінің қиылысында орналасқан. Саябақ өрт сөндіруші-құтқарушылар, сондай-ақ қызметтік міндеттерін орындау кезінде қаза тапқан қызметкерлердің құрметіне абаттандырылған. Құтқарушылардың жұмысы ерлікке толы.
Мемлекет басшысының тапсырмасына сәйкес абаттандыру барысында көгалдандыруға ерекше назар аударамыз. Саябақ аумағында 150-ге жуық ағаш отырғызылды.
Бұл алаң былтыр біз абаттандырған өзге де қоғамдық кеңістіктерді үйлесімді түрде жалғастырып, кеңейтуде. Бұл Л.Н. Гумилев атындағы ЕҰУ жанында орналасқан көпір асты кеңістігі. Онда скейт-алаң, баскетбол алаңы, workout-аймақтар және т.б. бар.
Биыл 150 аула мен 40 қоғамдық кеңістік (саябақтар, гүлзарлар, желекжолдар) саламыз. Былтыр Нұр-Сұлтанда 76 гектар аумақ абаттандырылған. Бұл 150 аула және 60 қоғамдық кеңістік (саябақтар, гүлзарлар, желекжолдар).

• 11.08.2021
• 234