Сауда министрлігі ATTIS платформасын іске қосуға дайындалуда

Автоматтандырылған трансшекаралық сауда-есептік интеграцияланған жүйе (АТСИЖ) – "Бір белдеу, бір жол" бастамасы шеңберінде сыртқы экономикалық қызметтің барлық қатысушыларына ақпараттық қызметтердің толық кешенін алуға мүмкіндік беретін платформа.
Жүйе "Бір терезе" түрінде ұсынылады, бұл СЭҚ қатысушыларына сыртқы экономикалық операцияның сыртқы экономикалық келісімшарт жасасудан бастап жеткізілген тауарлар мен көрсетілген қызметтер үшін есеп айырысуды жүргізуге дейінгі барлық кезеңдерінен өтуге көмектеседі.
АТСИЖ жүйесі тәсілінің мәні бірыңғай ақпараттық платформа құру болып табылады, оның негізінде мемлекеттік органдар жүйелерімен ("АСТАНА-1"АЖ,"eFreight" АЖ, "НҚ ҚТЖ-Жүк тасымалдары" АҚ АЖ, IRU халықаралық автомобиль тасымалдары Одағының АЖ) интеграция болады. Нәтижесінде бұл тиісті контрагенттерді іздестіруді және кейіннен бірыңғай ақпараттық жүйеде мәмілелер жасасуды қысқартуға, сондай-ақ мемлекеттік органдарға мәліметтер ұсыну кезінде СЭҚ қатысушыларының уақытша және ресурстық шығындарын қысқартуға мүмкіндік береді.
ATTIS Group "ҚТЖ" ҰК" АҚ теміржол тасымалы және"eFreight" әуе тасымалы бойынша ақпараттық жүйелермен техникалық өзара іс-қимыл бойынша негізгі іс-шаралар өткізді.
Сауда министрлігі хабарлағандай, "Атамекен" қатысушылары да АТСИЖ платформасына қол жеткізе алады, ол туралы "Атамекен" ҰКП-мен ақпараттық өзара іс-қимыл туралы келісім жасалды.
Бүгінгі таңда ATTIS платформасында 19 қолданушы тіркелген.
Платформа аясында биылғы жылы Қазақстан мен Қытай Халық Республикасы арасындағы мәмілелерді жүзеге асыру жоспарланып отыр.
АТСИЖ жүйесін толық іске қосу 2021 жылдың соңына дейін жоспарланып отыр.

• 12.08.2021
• 212