Қазақстанда "Электрондық сертификаттау сервисі" және "Қауіпті өнім" сервисі пайда болды

ҚР Сауда министрлігінің алқа отырысында Әсел Жанасова іске қосылған пилоттық жоба – электрондық сертификаттау сервисі туралы айтып берді.

Пилоттық жобаның өзі тұтынушылар үшін елдің ішкі нарығындағы өнімнің, көрсетілетін қызметтердің қауіпсіздігі мен сапасын арттыруға бағытталған және 2021 жылғы 12 сәуірде іске қосылды.

Жобаның негізгі мақсаты өнімдер мен көрсетілетін қызметтердің талаптарға сәйкестігіне сынақтар жүргізу кезінде САПАНЫҢ ашықтығы мен сенімділігін қамтамасыз ету болып табылады.

Әсел Жанасова атап өткендей: "Электрондық сертификаттауға көшу сертификаттау процесінің ашықтығын қамтамасыз етуге, құжаттардың жалғандығы мен жасандылығын болдырмауға, сондай-ақ аккредиттелген ұйымдардың сертификаттар беру бөлігіндегі жұмыс сапасын бақылауға мүмкіндік береді".

Техникалық реттеу саласын цифрландыру туралы айта келе, вице-министр әзірленген "Қауіпті өнім" сервисі туралы да айтты.

Сервис Техникалық реттеу және метрология комитетімен техникалық регламенттердің талаптарына сәйкес келмейтін өнім туралы ақпараттандыру мақсатында құрылған және өнімді бақылау процесін цифрландыруға және қауіпсіз емес өнімнің таралуын жедел болдырмауға мүмкіндік береді.

"Бүгінгі таңда мемлекеттік бақылау/қадағалау органдарының - ҚР ДСМ Санитарлық-эпидемиологиялық бақылау комитеті мен ҚР АШМ Ветеринарлық бақылау комитетінің толтыруы үшін нысан пысықталуда," - деді Әсел Жанасова.

• 12.08.2021
• 232