Қазақстанның шетелдегі 45 елшілігі қазақстандық өнімді ілгерілетуде

Министрліктер үйі, 2021 жылғы 12 тамызда ҚР Сауда және интеграция вице - министрі Қайрат Төребаев Қазақстанның негізгі шет мемлекеттермен сауда-экономикалық ынтымақтастығын тереңдету үшін біздің ведомствоның құзыретіне қажетті құралдар шоғырланғанын айтты. Бұл үкіметаралық комиссиялар, өңіраралық форумдар, экспорттаушыларды қолдаудың тікелей және жанама шаралары.

Шикізаттық емес экспорт көлемінің одан әрі төмендеуіне жол бермеу мақсатында Министрлік жүйелі негізде экспортқа бағдарланған кәсіпорындарға қолдау көрсетеді. Бұл қаржылық және қаржылық емес қолдаудың 20-дан астам құралы.

Экспорттаушыларды қолдау бөлігінде Министрлік қызметінің маңызды бағыты өнімді экспорттау кезінде туындайтын проблемаларды уақтылы анықтау және жедел ден қою болып табылады.

"Бүгін біздің 45 елшілігіміз жоғары және орташа экспорттық қызығушылық нарықтарында қазақстандық өнімді белсенді түрде ілгерілетуге және В2В келіссөздерін ұйымдастыруға байланысты мәселелерді пысықтауға кірісті", - деді Қайрат Төребаев.

Жоғарыда аталған экспорттаушылардың шамамен 14%-ы бұрын сараптамалық қолдау алу проблемасының бар екенін атап өткен. Осыған байланысты Министрлік аталған жұмыс блогын сапалы түрде күшейтті.

Бірінші жартыжылдықта 90-ға жуық кәсіпорынға экспорттық қызметті жүргізуді жақсарту және контрагенттерді іздеу бойынша ұсынымдар берілді, 20 салалық экспресс-дайджест, кәсіпорындарға олардың өнімдерін сыртқы нарықтарға шығару бойынша нақты ұсынымдармен 97 экспресс талдау дайындалды.

Отандық өнімнің сыртқы нарықтарда танымалдығын арттыру мақсатында сыртқы істер министрлігімен бірлесіп, шетелдік мекемелермен тиімді өзара іс-қимыл жасау үшін елдік экспорттық бағдарламалар әзірленді.

• 12.08.2021
• 201