ДСҰ-ның 12-ші Министрлік конференциясы Қазақстанның төрағалығымен өтеді

2021 жылғы 30 қараша - 3 желтоқсан аралығында Женевада Қазақстан Республикасының төрағалығымен ДСҰ-ның 12-ші Министрлік конференциясы өтеді.

ДСҰ Бас кеңесінің шешіміне сәйкес Қазақстан Республикасының Сауда және интеграция министрі Б.Сұлтанов ДСҰ-ның 12-ші Министрлік конференциясының төрағасы болып сайланды.

Министрлік конференция ДСҰ-ның жоғары басқарушы органы болып табылады, оның құзыретіне көпжақты сауда келісімдері шеңберіндегі барлық мәселелер бойынша шешімдер қабылдау, оның ішінде халықаралық сауданы реттейтін жаңа ережелер мен дисциплиналарды келісу және бекіту құқығы кіреді.

ДСҰ-ның 12-ші Министрлік конференциясында ДСҰ мүшелері талқылайтын негізгі мәселелері ретінде мыналар белгіленді:

1)        барлық елдер үшін вакциналар мен медициналық тауарларға қолжетімділікті қамтамасыз ету,

2) балық аулау субсидиялау жөніндегі келіссөздердің аяқталуы,

3) ауыл шаруашылығы мәселелері жөніндегі келіссөздер бойынша прогреске қол жеткізу,

4) ДСҰ-ның Дауларды шешу тетігін қалпына келтіру.

ДСҰ-ның мүшелері ДСҰ-ның 12-ші Министрлік конференциясын табысты өткізілуіне қызығушылық білдірді. Алдағы Министрлік конференциясының шешімдері пандемияның теріс салдарын еңсеруді қоса алғанмен, жаһандық сын-қатерлерді шешуге елеулі үлес қосуға қабілетті.

• 12.08.2021
• 149