Сериялық сертификатты кеңінен қолдану мәселесі қарастырылуда

Қазақстан Республикасының бастамасы бойынша Еуразиялық экономикалық одақ шеңберінде қазақстандық тауарлардың шығарылуын сериялық сертификатпен растау мүмкіндігі көзделген.

Мұндай құжат тез бұзылатын тауарлар партиясына беріледі, ол 6 ай бойы қолданылады.

Осылайша, қазақстандық экспорттаушылар ЕАЭО елдеріне экспорттау үшін міндетті құжаттардың бірін алу үшін қаржы мен уақытты үнемдейді.

Естеріңізге сала кетейік, бұл қазақстандық Алып тастаулар тізбесіне ұқсас тез бұзылатын тауарлар тобына қатысты (сүт, ет және т.б.).

Бүгінгі таңда отандық бизнестің ұсынысы бойынша ҚР СИМ Еуразиялық экономикалық комиссия алаңында мүше мемлекеттермен сериялық сертификат қолданылуы мүмкін тауарлар тізбесін кеңейту мәселесін пысықтауда.

• 12.08.2021
• 180