Қазақстан-Қытай шекарасындағы фуралардың шоғырлану жағдайы бойынша

ҚР Cауда және интеграция министрлігі соңғы уақытта Қазақстан мен ҚХР кедендік өткізу пункттерінде қалыптасқан жағдайға байланысты көптеген өтініштер алды.

Мысалы, «Қорғас» (ШҰАА, ҚХР) шектес Қытай өткізу пункті болып табылатын Алматы облысындағы «Нұр жолы» автомобиль өткізу пункті ауданында пандемия басталғаннан бері Қазақстаннан Қытайға шығу үшін 1700-ге жуық бос автокөліктің күн сайын жиналуы байқалады.

Негізгі себеп-Қытай тарапы енгізген санитарлық бақылаудың күшейтілген шаралары .

Қалыптасқан жағдайды шешу мақсатында ҚР сауда және интеграция министрлігі ҚХР Коммерция министрлігімен келіссөздер жүргізді.

Осылайша, Қазақстан-Қытай ынтымақтастық жөніндегі сауда-экономикалық ынтымақтастық жөніндегі Кіші комитетінің 11-ші отырысының қорытындысы бойынша ҚХР Коммерция министрінің орынбасары Юй мырза аталған мәселені шешу қажеттігін атап өтті. Сонымен қатар, жағдайды бағалау мақсатында ҚХР Министрінің орынбасары Қазақстан-Қытай шекарасына жеке өзі барады. Сонымен қатар, Юй мырза функцияларына шекарада бақылауды жүзеге асыру кіретін ҚХР бейінді ведомстволарына жедел тәртіппен тиісті жұмыстар жүргізуді тапсырды.

ҚР Қаржы министрлігінің Мемлекеттік кірістер комитеті тиісті жұмыс жүргізіп жатқанын атап өту қажет. Өткізу пункттерінің өткізу қабілетін арттыру бойынша МКК әзірлеген ұсыныстар ҚХР Бас кеден басқармасына және ШҰАА Халық Үкіметіне жіберілді.

• 24.07.2020
• 303