Қаламызда вакцинаның қос компонентін екпе алуы тиіс контингенттің 60 пайызға жуығы алды.

Бірінші компонентті алу көрсеткіші 73 пайыздан асты. Жүз пайыздық көрсеткішке жетсек қана дерттен келер қауіпті біршама төмендетеміз.

Әлем ғалымдары коронавирус қоздатқыштары түбегейлі жойылмайтынын айтып отыр. Уақыт өткен сайын оның өзегі түрленіп, сан түрлі штамдарға айналуда. Вирусология ілімі алдында адамзатты қорғау міндеті тұр. Қазірше вакцинадан басқа дертті тоқтатудың тиімді тәсілі жоқ.

Екпені өзіңіз бекітілген емханаға барып салдыруға болады. Қоғамдық көпшілік орындарда екпе салу бекеттері жұмыс істеп тұр. Ол үшін жеке куәлігіңізді көрсетсеңіз жеткілікті. Дәрігер сіз туралы деректі медициналық базадан алып, денсаулық жағдайыңызды біле алады.

Өз денсаулығыз – Өз қолыңызда. Жақындарыңыздың да саулығы – Сізге байланысты. Бас амандығыңыз бен жақсы көретін адамдарыңыздың тағдырын тәуекелге байламаңыз!

Жауапкершілік жүгін айқын ұғайық, ағайын!

• 17.08.2021
• 380