Сапалы жол-жайлы өмір көрсеткіші.

Қаламызда жол сапасын жақсарту бағытында жұмыстар жалғаса бермек.

Биыл 163 көшеде күрделі және орташа жөндеу жұмыстары басталды. Алдағы екі жылда 13 магистралды жол қайта құрылымдаудан өтеді.

Өздеріңізге белгілі, жол сапасын тексерудің заманға сай лабораториясын құрған болатынбыз. Мақсат-жолдың тегістігі мен тығыздығын, ұзақ мерзімділігі мен жұмсалған қаражатқа сай сапаның болуын тексеру.

Нәтижесінде, зертханалық талдау былтырғы жылы атқарылған 228 жол нысандары бойынша жүргізілді. 104 нысанда құрылыс нормативтері сақталмағандығы анықталып, мердігер ұйымдарға кемшіліктерді түзету жөнінде талап қойылды. Жүктелген жауапкершілікті тиісті деңгейде атқармаған 17 мердігер ұйымға сот шешімімен айыппұл салынды.

Қоғамдық бақылау жүргізуге «Nur Otan» партиясының мүшелері, қалалық мәслихат депутаттары, сала мамандарынан тұратын мониторинг топ тартылған.

Жұмыстар белгіленген сапа стандарттары және жүйелі түрде қала әкімдігінің бақылауында болатынын хабарлаймын.

• 17.08.2021
• 176