Теріс пиғылды инвестициялық делдалдар туралы

Құрметті қазақстандықтар!

Биылғы жылы Қазақстан Республикасының Қаржы нарығын реттеу және дамыту агенттігі лицензияланбаған инвестициялық делдалдардың тізімін жариялады, ондай теріс пиғылды делдалдарға қатысты қазақстандықтардан шағымдар келіп түсті. Бұл тізім жарияланғаннан сәттен бастап 15 жаңа атаумен толықтырылды (тізімдегі делдалдардың жалпы саны - 60). Биржадағы сауда-саттыққа арналған қосымшалардың барлығы бірдей қауіпсіз бола бермейтінін еске салғым келеді.

Смартфондағы қосымшалар арқылы бағалы қағаздарды сатып алмас бұрын, қызметтерін ұсынатын ұйымның өзін, тікелей қосымшаны да оның жалғандығы тұрғысынан зерттеуіңіз керек. Қор биржаларында сауда-саттық жасау платформасы ретінде клиенттің қаражатына алаяқтық жолмен қол сұққызатын көптеген ресурстар бар.

Мұндай қосымшалардың алаяқтық схемасы стандартты болып табылады – клиентті агрессивті жарнамамен және жоғары пайда туралы уәделермен қызықтырады, көбінесе салыстырмалы түрде аз мөлшерде инвестиция салуды ұсынады. Мұндай онлайн-қосымшаға тіркелу үшін сізден төлем карталарының деректерін енгізуді талап етілуі сізді алаңдатуы тиіс. Осылайша, алаяқтардың клиенттің шоттарына қол сұғу мүмкіндігі сияқты тікелей тәуекелдер пайда болады.

Көп жағдайда адам ақшасын алаяқтардың шотына ерікті түрде аударатын жағдайлар туындайды. Бұл ретте смартфондағы қосымшадан ол құралдар құнының өсімі, биржалық белгілеулер қозғалысы, пайданы белгілеу туралы тартымды инфографиканы көреді, бірақ қаражатты алу, әдетте, қиындықтар туғызады. Мысалы, қосымшаның өзіндегі хабарлар бойынша немесе ұйымның өкілдерімен өзара іс-қимыл кезінде барынша ірі соманы шотқа салғаннан кейін, не  қандай да бір қосымша комиссиялар төлегеннен кейін ғана ақшаны шығаруға болады мыс. Нәтижесінде біз адамның жалған брокерлерге тағысын-тағы ақша аударғандығын білеміз, ал ақшаны алуға тырысқан жағдайда, қосымша оның шотын тып-типыл қылады немесе түрлі басқа тәсілдермен ақшаны шығаруға кедергі келтіреді.

Алаяқтардың алдауына түспеу үшін сол немесе өзге компания қызметінің заңды екендігін мұқият тексеру қажет. Делдалдардың осындай түрімен келісім жасаспай және олардың шоттарына ақша аудармай тұрып, инвестор, ең алдымен, осы компанияның кәсіби қызметті жүзеге асыруға тиісті лицензиясының бар-жоғын жалпыға қолжетімді ақпарат көздерінде тексеруі қажет. Бұл тек жергілікті делдалдарға ғана емес, сондай-ақ халықаралық қаржылық делдалдарға қатысты. Әлеуетті инвестор компаниямен тікелей байланысып, тиісті лицензия бойынша ақпаратты таба алады, тарифтер мен комиссияларды зерттей алады, сондай-ақ ақпаратты жария ету және инвесторлардың құқықтарын қорғау аясында қол жетімді басқа ақпараттардың толық жиынтығымен таныса алады.

Басқа клиенттердің ұйым жөнінде пікірлерін оқу да артық болмайды, өйткені сізге дейін алданып қалған инвесторлардың табылу ықтималдығы жоғары.

Көптеген онлайн-қосымшалар Кипрде, Кайман аралдарында немесе өзге де оффшорлық аймақтарда тіркелген жосықсыз шетелдік компаниялардың әзірлемелері болып табылады. Осындай ұйымдардың брокерлік қызметін лицензиялау Қазақстанда міндетті болып табылмайтындықтан, көбі – жосықсыз шетелдік, оның ішінде виртуалды жалған брокерлермен шын мәнінде өзара әрекеттесу кезінде қырағылық танытпайды.

Қазіргі уақытта Парламент заңнамаға Қазақстанда өз қызметтерін көрсететін ұйымдар үшін брокерлік қызметті лицензиялауды міндетті ететін түзетулерді қарастыруда. Инвесторларға кеңес: Агенттік лицензиясының негізінде әрекет ететін брокерлермен жұмыс істеу керек. Осындай брокердің клиенті қажетті кеңес ала алады, өзі үшін қажетті инвестициялық мақсаттарды анықтай алады, брокерлік ұйыммен жасалатын шартты зерделеп, оған қол қойып, содан кейін ғана қазақстандық заңнама шеңберінде тиісті құқықтық қорғанысқа ие бола отырып, тікелей инвестиция жасауға кірісе алады.

• 18.08.2021
• 390