АНОНС

Құрметті БАҚ өкілдері!

2 қыркүйекте сағат 14.15-те Алматы қаласында экспортты басқару бойынша шағын және орта бизнес кәсіпорындарына арналған Ready4Trade Орталық Азия жобасының аралық қорытындысы бойынша кеңеске қатысуға шақырамыз

Экспорттаушыларды қолдау құралдарын кеңейту-мемлекеттің аса маңызды міндеттерінің бірі. Қазіргі уақытта Қазақстанда экспортқа бағдарланған өндірушілерді мемлекеттік қолдаудың 20-дан астам түрі қолданылады. Түйінді мәселелердің бірі - ісін жаңа бастаған экспорттаушыларды қолдау, олардың экспорттық әлеуетін диагностикалау, шетелдік нарықтарға шығуға үйрету.

Ready4Trade Орталық Азия-экспортқа бағдарланған өндірістерді консалтингтік қолдаудың бірнеше ірі жобаларының бірі.

Жобаны Халықаралық сауда орталығы 2020 жылы іске қосты. Жобаны Еуропалық Одақ (ЕО) қаржыландырады және халықаралық сауда орталығы (ХСО) іске асырады және  2023 жылдың желтоқсанына дейін жалғасады. Қазақстандағы ұлттық әріптестер Сауда және интеграция министрлігі және «QazTrade» сауда саясатын дамыту орталығы" АҚ болып табылады.

Жоба шеңберінде шағын және орта бизнес өкілдерін экспорттық операцияларды жүргізу ерекшеліктеріне оқытуға және жалпы экспортқа бағдарланған бизнесті дамытуға көп көңіл бөлінеді.

2 қыркүйекте өтетін кеңеске Жоба аясында тренингтерден өткен компаниялар қатысады.  Олар өз тәжірибелерімен бөліседі, Қазақстан Республикасында экспортты басқару тренингі бойынша бақылаулар мен ұсыныстар айтады. Жаттықтырушылар бизнес-тәлімгерліктен өткен және алған білімдерін іс жүзінде қолданатын кәсіпорындардың табыс тарихымен таныстырады.

 Іс-шара аясында жобаға қатысушы ШОБ өнімдерінің шағын көрмесі өтеді, онда кәсіпорындар қолдан жасалған бұйымдар, тоқыма, табиғи косметика және т.б. ұсынады.

Кеңеске Сауда және интеграция министрлігінің және QazTrade компаниясының өкілдері, ҚР-дағы ЕО делегациясының өкілі қатысады.

Ready4Trade Орталық Азия жобасының мақсаты трансшекаралық талаптардың ашықтығын арттыру, нормативтік және рәсімдік кедергілерді жою, сауда шарттылықтарын сақтау бойынша бизнестің мүмкіндіктерін нығайту және трансшекаралық электрондық сауданы жетілдіру есебінен Орталық Азияның бес елінде өңірішілік және халықаралық сауданы дамытуды қолдауға бағытталған.

Өтетін орны: "Қазжол Парк" қонақ үйі (Наурызбай батыр көшесі, 108, Алматы қаласы)

Өтетін уақыты: 2021 жылғы 2 қыркүйек сағат 14.15

Аккредиттеу үшін деректерді (Т.А.Ә., БАҚ, телефон) 2 қыркүйек сағат 10.00-ге дейін miskazina@intracen.org поштасына жолдауларыңызды сұраймыз.

Анықтамалық ақпарат үшін телефон:

Мадина Исказина, байланыс және PR бойынша кеңесші, MTC.

E-mail: miskazina@intracen.org, тел.: +7 705 377 35 35

Юлиана Жихорь, +77017320331

• 01.09.2021
• 186