Қазақстаннан Чехияға Экспорт 26,2% - ға өсті

Кеше Сауда және интеграция вице-министрі Қайрат Төребаевтың Чех Республикасының Қазақстан Республикасындағы Төтенше және Өкілетті Елшісі Рудольф Гиклмен екіжақты кездесуі өтті.

Талқылаудың негізгі мәселелерінің бірі а.ж. қарашада Прага қаласында өтетін Қазақстан-Чехия сауда-экономикалық және ғылыми-техникалық ынтымақтастық жөніндегі үкіметаралық комиссияның (Комиссияның) 11-ші отырысына дайындық барысы болды.

"Ынтымақтастықты одан әрі жалғастыру мақсатында қазақстандық тарап бизнес үшін қолжетімді мүмкіндіктер туралы, жобалар мен бірлескен кәсіпорындар туралы ақпарат алмасуға, іскерлік байланыстар орнатуға қолдау көрсетуге дайын," - деп атап өтті Қайрат Төребаев.

Өз кезегінде, Чех тарапы ағымдағы жылғы 8-12 қарашада Брно қаласында жоспарланып отырған халықаралық машина жасау көрмесі туралы хабардар етті және қазақстандық тарапты Көрмеге қатысуға, сондай-ақ осы қатысуды комиссияның 11-ші отырысын өткізумен біріктіруге шақырды.

Сонымен қатар, Вице-министр Қайрат Төребаев Чехия Республикасының Елшісін энергетика және өнеркәсіп бойынша 2 жұмыс тобының комиссия алаңында өтетін дайындық барысы туралы хабардар етті.

Ағымдағы жылғы қаңтар-шілдеде Қазақстан мен Чехия арасындағы өзара сауда $148,1 млн.құрады, бұл ретте, Қазақстаннан Чехияға экспорттың оң серпіні байқалады. Мәселен, 7 айда экспорт $53,1 млн. құрап, 26,2% - ға өсті.

• 02.09.2021
• 242