Сауда министрлігі азық-түлік тауарларына баға белгілеуді үйлестіру бойынша ұсыныстар әзірлеуде

Бүгін, 2021 жылғы 2 қыркүйекте, ҚР Сауда және интеграция вице-министрі Ержан Қазанбаев Мемлекет басшысының Жолдауын іске асыру мәселелері бойынша ҚР Үкіметінің отырысында сөз сөйледі.

Сауда министрлігінің өкілі атап өткендей, "Халық бірлігі және жүйелі реформалар – ел өркендеуінің берік негізі" Жолдауында Сауда министрлігіне екі тармақ бекітілген.

Мемлекет басшысы ұсақ ауыл шаруашылығы тауарларын өндірушілердің, оның ішінде жеке қосалқы шаруашылықтардың көтерме-тарату орталықтары (КТО) жүйесіне қол жеткізуін қамтамасыз етуді тапсырды.

Өз сөзінде Ержан Қазанбаев КТО жүйесінде әріптестер арасындағы МЖӘ шарты аясында шағын тауар өндірушілер мен жеке қосалқы шаруашылықтардың еркін және бәсекелі қолжетімділігін қамтамасыз ететін тиісті ережелер көзделетінін түсіндірді.

"Бұл ауыл шаруашылығы өнімдерін өткізу нарығын кеңейтуге және өндірушіні тұтынушыға жақындататын жеке экономикалық кластер құруға мүмкіндік береді", - деді Ержан Қазанбаев.

Сондай-ақ, Вице-министр еркін бәсекелестік пен өнімді сақтау және бөлу инфрақұрылымы тарифтерінің болжамды деңгейі біздің азаматтарымыз үшін азық-түліктің түпкілікті бағасына оң әсер ететінін атап өтті.

Өндірушіден тұтынушыға дейінгі тізбек бойынша азық-түлік өнімдерінің бағасын бірыңғай бақылау үшін жауапты мемлекеттік органды айқындау бойынша жолдаудың екінші тармағын іске асыру туралы ҚР Сауда және интеграция вице-министрі Сауда және интеграция министрлігі ҰЭМ және басқа да мүдделі органдармен бірлесіп, бір ай мерзімде СИМ-ге өндірушіден тұтынушыға дейінгі тізбек бойынша баға белгілеуді үйлестіру және азық-түлік тауарларын бөлу жөніндегі уәкілетті орган функцияларын беру жөнінде ұсыныстар енгізілетінін хабарлады.

Сонымен қатар, Ержан Қазанбаев салалық мемлекеттік органдар мен ұйымдар арасындағы өзара іс-қимылдың тиісті регламенті бір ай мерзімде әзірленетінін түсіндірді.

• 02.09.2021
• 195