Қала кәсіпорындары, әсіресе құрылыс нысандары қауіпсіздік ережелерін бұлжытпай сақтауы қажет

Қала кәсіпорындары, әсіресе құрылыс нысандары қауіпсіздік ережелерін бұлжытпай сақтауы қажет. Адам өмірі мен компаниялардың беделі осыған тікелей байланысты. Өндірістік жарақаттануды азайту үшін бірқатар жүйелі шара қабылданып жатыр. Бүгін әлеуметтік әріптестік және еңбек қатынастарын реттеу жөніндегі комиссия отырысында өзекті мәселелер қаралды.
✅Осылайша, кәсіподақ және жұмысшылар конфедерациясымен бірлесіп, нысандарда қауіпсіздік ережелерін сақтау жұмысын қосымша күшейтеміз. Тәртіп бұзылған жағдайда қызметкерлердің қауіпсіздігі қамтамасыз етілмейінше құрылыс нысандарының жұмысы тоқтатылады.
Бұдан басқа, құрылыс нысандарында қауіпсіздік шараларын сақтауға арналған мониторинг жұмыстарын қосымша күшейтеміз, еңбек қызметі тараптарының құқықтары мен міндеттерін түсіндіру үшін кәсіпорындарға бару жалғасады. Сондай-ақ, мемлекеттік кірістер департаменті жұмыс берушілердің міндетті зейнетақы жарналары мен әлеуметтік төлемдерді төлеу мәселелерін бақылауда ұстауы, ірі қарызгерлердің төлемдер мәселелерін шешуі қажет.

• 07.09.2021
• 348