Қазақстан мен Литва сауда-экономикалық ынтымақтастықты нығайтуда

Нұр-Сұлтан, 2021 жылғы 6 қыркүйек - бейнеконференция режимінде сауда-экономикалық ынтымақтастық жөніндегі Қазақстан-Литва үкіметаралық комиссиясының 13-ші отырысы өтті. Қазақстандық делегацияны Сауда және интеграция вице-министрі Қайрат Төребаев басқарды,

Қайрат Төребаев Қазақстанның сыртқы сауда операцияларын қарқындату үшін, оның ішінде екі елдің шаруашылық жүргізуші субъектілері арасындағы тікелей байланыстар үшін жағдай жасау, өзара инвестициялық жобаларға белсенді қатысу, тауарлар номенклатурасын кеңейту есебінен жеткілікті әлеуеті бар екенін хабарлады.

"Осыған байланысты, өзара сауда көлемін арттыру мақсатында біз жалпы сомасы 205 млн.АҚШ долл. мұнай - химия, тамақ өнеркәсібі, құрылыс және т.б. салаларда экспорттық әлеуетті екі бағытта арттыру бойынша бірлескен жұмыс жүргізуді ұсынамыз", - деді ҚР Сауда және интеграция вице-министрі Қайрат Төребаев.

Оның пікірінше, Қазақстанның Сауда министрлігі елдер арасындағы көлік және транзит, цифрлық технологиялар және жасыл экономика, экологиялық қауіпсіздік және қоршаған ортаны қорғау, агроөнеркәсіптік кешен, тамақ өнеркәсібі, туризм, шағын және орта кәсіпкерлік саласындағы ынтымақтастық сияқты салалардағы ынтымақтастықты дамыту перспективаларын көреді.

Сауда-экономикалық ынтымақтастық жөніндегі үкіметаралық комиссия жұмыс істеп тұрған кезде екіжақты ынтымақтастықтың түрлі мәселелері талқыланатын және екіжақты ынтымақтастықты тереңдетуге және кеңейтуге бағытталған шешімдер қабылданатын тиімді алаңға айналғанын естеріңізге сала кетейік.

• 07.09.2021
• 219