Қазақстанның Сауда министрлігі мен Әзербайжанның Экономика министрлігі Сауда ынтымақтастығы бойынша меморандумға қол қойды

ҚР Сауда және интеграция министрі Бақыт Сұлтановтың Әзербайжан Республикасына жұмыс сапары аясында бірқатар жоғары деңгейдегі кездесулер өтті.

Сонымен, Әзербайжан Республикасының Экономика министрі Микаил Джаббаровпен кездесу барысында тараптар екіжақты тауар айналымын арттыру әлеуетін талқылады.

- Елдеріміздің тауар айналымы жөніндегі деректер ынтымақтастықтың қазіргі әлеуетін пайдаланбайтынымызды айқын көрсетеді. Қазақстан таяу уақытта Әзербайжан экономикасы талап ететін: металлургия саласында, тамақ өнеркәсібінде, мұнай-химия саласында және т.б. тауарларды жеткізуді ұлғайтуға дайын. Әзербайжанның біздің құрылыс индустриясы өнімдеріне қызығушылығы бар. Бізде, басқалармен қатар, олардың тамақ өнеркәсібі мен мұнай химиясына қатысты, - деп атап өтті Бақыт Сұлтанов.

Әзербайжан тарапы сауда-экономикалық ынтымақтастықты тереңдету жөніндегі жұмысты жандандыруға дайын екенін растады.

Қазақстан Республикасының Сауда және интеграция министрлігі мен Әзербайжан республикасының экономика министрлігі өзара тиімді және әділ негізде сауда саласындағы ынтымақтастықты дамытуға және нығайтуға бағытталған сауда ынтымақтастығы жөніндегі меморандумға қол қойды.

Атап айтқанда, тараптар ішкі және сыртқы сауданы дамыту, шикізаттық емес тауарлар мен көрсетілетін қызметтердің экспортын дамыту және ынталандыру, сауда инфрақұрылымын жетілдіру, электрондық коммерцияны дамыту сияқты салаларда тәжірибе алмасуға, сондай-ақ мемлекеттік және жеке секторлар арасындағы диалогқа жәрдем көрсетуге уағдаласты. Сондай-ақ, саудадағы кедергілерді анықтау және осындай кедергілерді азайту және жою үшін өзара шешімдерді іздеу бойынша бірлесіп жұмыс істеу туралы келісімге қол жеткізілді.

Қазақстан мен Әзербайжан екі елдің кәсіпорындары арасындағы өзара іс-қимылды, оның ішінде олардың елдерінің белгілі бір тауарларын сатуға жәрдемдесуді көтермелеуге келісті.

Бұл күндері Бакуде Қазақстан Республикасының сауда-экономикалық миссиясы өтуде. Қазақстандық 19 компания өздерінің экспорттық мүмкіндіктерін ұсынады. Отандық бизнеске жүзден астам АР компаниясы қызығушылық танытты.

Бақыт Сұлтанов, сондай-ақ, Әзербайжан Республикасы Көлік, Байланыс және жоғары технологиялар министрлігінің басшысы Рашад Набиевпен Транскаспий халықаралық көлік бағдарының (ТХКБ) инфрақұрылымын кеңейту және жаңғырту аясындағы ынтымақтастық мәселелерін талқылады.

Атап айтқанда, Қазақстан құрып жатқан шекара маңындағы сауда-логистикалық хабтарда өнеркәсіптік кооперация мүмкіндігі туралы сөз болды.

Сондай-ақ, ҚР Сауда және интеграция министрі Б.Сұлтанов Әзербайжан Республикасының Қорғаныс өнеркәсібі министрі Мадат Гүлиевпен кездесті. Тараптар әскери-техникалық саланың мүмкіндіктерін талқылады. Атап айтқанда, "Қазақстан Парамаунт Инжиниринг" өнімдерін жеткізу және сервистік қызмет көрсетуді ұйымдастыру мүмкіндігі.

• 10.09.2021
• 217