Баку қаласындағы сауда-экономикалық миссиясы, Әзірбайжан

9-11 қыркүйекте Бакуде (Әзірбайжан Республикасы) ҚР тауар өндірушілерінің сауда-экономикалық миссиясы өтті. СЭМ аясында Әзербайжанның, сондай-ақ түркі әлемінің бірқатар басқа елдерінің қазақстандық кәсіпкерлері мен бизнестерін түйістірген В2В екіжақты кездесулері өтті - бұл күндері Әзірбайжанда түркі тілдес мемлекеттер ынтымақтастығы кеңесінің экономика/сауда министрлерінің 10-шы отырысы өтуде.

Сауда-экономикалық миссиясына азық-түлік өнімдері, металлургия және металл өңдеу, АТ қызметтері, құрылыс және машина жасау өнеркәсібі саласында 19 қазақстандық тауар өндіруші қатысты және Әзірбайжан тарапынан 70-тен астам сатып алушы компания қатысты.

Қазақстандық тауар өндірушілер үшін екі елдің ұлттық компаниялары мен іскер топтарының қатысуымен В2В форматында екіжақты келіссөздер, Әзірбайжан Республикасының ірі сауда желілерімен және дистрибьюторларымен кездесулер ұйымдастырылды.

Нәтижесінде бірқатар экспорттық келісімшарттар мен ынтымақтастық туралы меморандумдарға қол қойылды.

Атап айтқанда, Әзербайжанның қарсы серіктестерімен локомотивтер, болат жаймалары, металл бөшкелер, жиһаз, тұз және кондитерлік өнімдерді жеткізу туралы келісімдерге қол жеткізілді. Бакуде жасалған келісімшарттардың жалпы сомасы 32,9 млн. АҚШ долл. құрады. Кәсіпкерлер өз өнімдерін Әзербайжанға жеткізу туралы келіссөздер процесін жалғастыруда.

Бұдан басқа, «Qaztrade» АҚ Бас директоры Азамат Асқарұлы және Әзірбайжандағы Экспорт пен инвестицияларды ынталандыру қорының (АЗПРОМО) басшысы Юсиф Абдуллаев Сауда саясатын дамыту аясында ынтымақтастық туралы меморандумға қол қойды. Сондай-ақ, «Qaztrade» АҚ Әзірбайжан Республикасының кәсіпкерлер ұйымының ұлттық конфедерациясымен (ASK) осындай Меморандум жасасты.

Қазақстан Республикасының басқа елдердегі Сауда-экономикалық миссияларының ұйымдастырушысы ҚР Сауда және интеграция министрлігінің «Qaztrade» АҚ болып табылады.

«QazTrade» АҚ Бас директоры Азамат Асқарұлы атап өткендей, В2В кездесулер Қазақстанның басқа елдермен сауда-экономикалық өзара іс-қимылын нығайтуға мүмкіндік береді.

- Қазақстандық кәсіпкерлерге Әзірбайжан нарығы қызық. Бірақ біздің өзара сауда әлеуетіміз тіпті жартылай пайдаланылмайды. Бұл қазақстандық тауарлардың Әзірбайжан нарығында және ҚР-дағы Әзірбайжан тауарларына сұранысының болуына қарамастан болып отыр. Біз үшінші елдердің нарықтарын бірге игере аламыз. Оның үстіне, біздің аумақтарымыз арқылы маңызды халықаралық көлік дәліздері өтеді, - деді Азамат Асқарұлы.

Анықтама:

Қазақстан мен Әзірбайжан арасындағы тауар айналымы 2020 жылы 109,7 млн. АҚШ долл. құрады(экспорт - 84,4 млн. АҚШ доллары, импорт - 25,3 млн. АҚШ). Қазақстан мен Әзербайжан арасындағы тауар айналымы 2021 жылдың қаңтар-шілде айларында 78,7 млн. АҚШ долл.құрады, бұл өткен жылдың ұқсас кезеңімен салыстырғанда 32,5%-ға жоғары (59,4 млн. АҚШ долл.).

Қазақстаннан Әзірбайжанға экспортталатын негізгі тауарлар: мұнай өнімдері, легирленбеген болаттан жасалған жалпақ илек, электр темір жол локомотивтері, бидай, гигиена құралдары, электр аккумуляторлары, нан және ұннан жасалған кондитерлік өнімдер, күріш, маргарин және т. б..

Әзірбайжаннан Қазақстанға импорттың негізгі тауарлары: пропилен және этилен полимерлері, арнайы мақсаттағы жүзбелі құралдар, жаңғақтар, оқшауланған сымдар, кабельдер және т. б..

• 10.09.2021
• 184