Теміртауда зиянды шығарындылардың азаюына қатысты мониторинг жалғасуда

Бүгін Қарағанды облысының әкімімен бірге Арселор Миттал Теміртау кәсіпорны мен Теміртау электр-метал-қ комбинатын араладым.Теміртауда ауадағы зиянды заттардың концентрациясы көбейгені бәріне белгілі.Бұл ретте "Арселор Миттал" ауаға жылына 250 мың тонна көлемінде шығарынды бөлуде.   

Біз өткен жылы компанияның жаңа басшылығымен меморандумға қол қойдық.Онда шығарындылардың көлемін төмендету міндеттелген. Компания өндірісті қайта жабдықтауға,газға көшуге,жылу-электр орталығын және басқа да қуаттылықтарға инвестиция салуға дайын.

  Нәтижесінде шығарындылар деңгейі 30%-ға азайтылмақ. Ал бұл деген - 50 мың тоннаға жуық шығарынды. Сонымен қатар, компаниямен Қарағанды мен Теміртаудың арасында 500 мың ағаш отырғызып, қаланың айналасында "жасыл" белбеу құру жөнінде келістік.

    Сондай-ақ,жергілікті жұртшылықпен,эко-белсенділермен кездесіп, қаладағы экологиялық жағдай жөнінде бірқатар мәселелерді талқылап өттік.Барлық айтылған ұсыныстар Қарағанды облысы бойынша қоршаған ортаны қорғаудың ахуалын жақсарту жөніндегі Жол картасына енгізуді жоспарлап отырмыз.

        Атап өтсем, біз таяу уақытта қабылдануы қажет негізгі шараларды көрсете отырып, экологиялық жағдайды жақсарту үшін бүкіл Қазақстан бойынша жол карталарын әзірлеудеміз. Мұндай құжат Теміртау бойынша да дайындалатын болады.

         Қаланың барлық жанашырларын азаматтары мен қоғам қайраткерлерін кәсіпорындардың өңірдің қоршаған ортасын қорғау жөніндегі өз міндеттемелерін орындауын бақылауға қатысуға шақырамыз.

• 31.07.2020
• 511