Құрметті қала тұрғындары!

Елімізде 1 қыркүйектен бастап ұлттық санақ басталғанын білесіздер. sanaq.gov.kz порталы арқылы 15 қазанға дейінгі мерзімде онлайн қатысуға мүмкіндіктеріңіз бар екенін хабарлаймын.

Соңғы деректерге сәйкес, онлайн санаққа қаланың 60 мыңға жуық тұрғыны қатысып, қамтылуы 5,4 пайызды құрайды. Қаламыз республикадағы белсенді төрттіктің қатарында болғанымен, ішкі әлеуетіміз бұдан да жоғары нәтиже көрсетуге жеткілікті деп ойлаймын.
Шымкент – өсімі қарқынды қала. Қаланың даму келешегін айқындау үшін статистикалық деректерді негіз ретінде аламыз.

Демографиялық, экономикалық, әлеуметтік, миграциялық көрсеткіштер нақтылықты қажет етеді.
Санақ нәтижесімен әлеуметтік-экономикалық басымдықтар белгіленіп, болашақта қанша білім, денсаулық сақтау, спорт нысандары салынуы тиіс екені айқындалады. Байланыс, көлік инфрақұрылымын жүргізудің есеп-қисабы түзіледі.

Санаққа белсене қатысу арқылы меженің дұрыс белгіленуіне үлес қосамыз. Меже белгілі болмай, жұмыс нәтижесі артпайтынын түсініп, баршаңызды елжанды азаматтық ұстаным танытуға шақырамын!

• 16.09.2021
• 16