ҚР ТЖ министрлігінде Төтенше жағдайлардың алдын алу және жою жөніндегі ведомствоаралық мемлекеттік комиссияның отырысы өтті

Кеше менің төрағалығыммен Төтенше жағдайлардың алдын алу және жою жөніндегі ведомствоаралық мемлекеттік комиссияның отырысы өтті. Күн тәртібінде «Газбен жабдықтау жүйелерінің, газ тұтыну жүйелерінің объектілері мен  газ жабдығын қауіпсіз пайдалану талаптарының сақталуын бақылау жөнінде қажетті шаралар қабылдау туралы»  мәселе қаралды.

Отырысқа Төтенше жағдайлардың алдын алу және жою жөніндегі ведомствоаралық мемлекеттік комиссияның мүшелері, Төтенше жағдайлар министрлігінің басшылары мен лауазымды қызметкерлері, бейнеконференциялық байланыс режимінде облыстар,  Нұр-Сұлтан, Алматы, Шымкент қалалары әкімдерінің орынбасарлары, ТЖ департаменттерінің бастықтары, ҚР ТЖМ Өнеркәсіптік қауіпсіздік комитеті аумақтық бөлімшелерінің басшылары қатысты.

ҚР ТЖМ Өнеркәсіптік қауіпсіздік комитетінің төрағасы Н.Қ. Нығметжанов баяндама жасады. Ол Министрлік және оның аумақтық бөлімшелері жергілікті атқарушы органдарға тиісті бақылауды қамтамасыз ету және көмек көрсету мақсатында тұрақты негізде түсіндіру жұмыстарын жүргізетіні, газ және газбен жабдықтау саласындағы заңнама талаптарының сақталуын бақылауды құру және жүзеге асыру мәселелерінде жергілікті атқарушы органдардың тұрғын үй инспекцияларын әдістемелік көмек және үйлестіру көрсететіні туралы ақпарат берді. Мәселен, 2021 жылдың өткен кезеңінде Өнеркәсіптік қауіпсіздік комитеті аумақтық бөлімшелерінің мемлекеттік инспекторлары газбен жабдықтау объектілеріне 30 тексеру, оның ішінде кесте негізінде ерекше тәртіп бойынша 24 тексеру және жоспардан тыс 6 тексеру жүргізді. Газ шаруашылығы объектілерін тексеру нәтижелері бойынша 439 заң талаптарын бұзушылық анықталды. 2020 жылдың қорытындысы бойынша барлығы – 1014 бұзушылық анықталды.

Күн тәртібіндегі мәселе бойынша Қазақстан Республикасы Энергетика, Индустрия және инфрақұрылымдық даму министрліктерінің өкілдері, Алматы, Нұр-Сұлтан қалалары, Солтүстік Қазақстан, Қызылорда облыстары әкімдерінің орынбасарлары сөз сөйледі.

Отырыс соңында мемлекеттік комиссия мүшелері газ және газ жабдықтарын қауіпсіз пайдалану ережелерін сақтау бойынша халықпен ұйымдастырушылық-практикалық іс-шаралар және ақпараттық-профилактикалық жұмыстар жүргізу жөніндегі жұмысты жетілдіруге бағытталған, газбен жабдықтау жүйелерінің, газ тұтыну жүйелерінің және газ жабдығының объектілеріне байланысты төтенше жағдайлардың алдын алуға бағытталған алдын алу жұмыстарын күшейту, әлеуметтік инфрақұрылым объектілерін және жеке тұрғын үйлерді, оның ішінде халықтың әлеуметтік осал топтарының тұрғын үйлерін, газ толтыру станцияларын және газ толтыру пункттерін, автогаз құю станцияларын аралауды жүзеге асыратын ұтқыр топтардың жұмысын жалғастыру, олардың иелерімен түсіндіру жұмыстарын жүргізу, сондай-ақ авариялардың алдын алу және олардың салдарын жою бойынша мәселелер мен тиісті шаралар қабылдау туралы шешім қабылданды.

• 16.09.2021
• 205