Мемлекет басшысына коронавируспен күрес мақсатында енгізілген карантиндік шаралардың нәтижелері туралы баяндадым

Қалада инфекция таралуының баяулағаны байқалады.
Мысалы, жедел медициналық көмекті шақыру көрсеткіші 3 мыңнан 1 мың 100-ге дейін үш есе қысқарды. Оның ішінде КВИ бойынша 500-ден 89-ға дейін азайды. Стационарларға түсетін пневмониясы бар пациенттер саны 1348 - ден 633-ке дейін, яғни екі еседен астам азайды. КВИ-дан сауыққан пациенттердің саны – 70%. Төсек қорының жүктемесі 99% - дан 38% -ке дейін төмендеді.
Бірқатар медициналық мекемелерде жоспарлы емдеуге жатқызу қайта басталды. Шілде айының ортасынан бастап қалаға 110 тоннаға жуық дәрі мен медициналық мекемелерге қосымша жабдықтар жеткізілді. Бұл жұмыстарды жүйелі деңгейде жалғастырамыз.
Президент жағдайды қатаң бақылауда ұстауды тапсырды. Коронавирус ауруының төмендеу динамикасын сақтау үшін санитария нормаларын қатаң сақтау керек. Яғни маска тағып, арақашықтықты сақтау қажет.

• 04.08.2020
• 526