ЕАЭО халықаралық қызметтің басым бағыттарын айқындады

2022 жылы ЕАЭО-ның халықаралық күн тәртібі тек қана сауда-экономикалық тиімділікке сүйене отырып, Еуразиялық интеграция үшін барынша үлкен экономикалық мүдделілік білдіретін негізгі шетелдік әріптестер мен халықаралық ұйымдарға шоғырландырылатын болады.

Осылайша, Үндістанмен, Иранмен, Түркиямен, Кореямен, Түрікменстанмен, Сауд Арабиясы Корольдігімен, БАӘ-мен және Катар мемлекетімен сауда-экономикалық байланыстарды тереңдету бойынша күш-жігер басым тәртіппен жұмсалатын болады.

ЕАЭО ЕАЭО-ЕО форматындағы диалогты дамытуға және Еуропалық комиссиямен ынтымақтастықты институционализациялауға ниетті. Еуропалық одақ ірі сауда, инвестициялық және технологиялық серіктес және ЕАЭО елдері экспорттайтын тауарлардың негізгі сатып алушысы болып табылады, оның үлесіне 2020 жылы ЕАЭО сыртқы саудасының барлық көлемінің 36,8%-ы келді.

Сондай-ақ ынтымақтастық орнату және өзара мүдделілік білдірілген салаларда өзара іс-қимылды дамыту мақсатында ШЫҰ елдерімен, БРИКС-пен, «Жиырмалық тобымен» (G-20) және басқа да өңірлік интеграциялық бірлестіктермен өзара іс-қимылды дамыту үшін институционалдық негіз қалыптастыру жөніндегі жұмыс жалғастырылатын болады.

Бұл тәсілдер одақтың мақсаттары мен халықаралық күн тәртібінің өзектілігі негізге алына отырып, ЕАЭО халықаралық қызметінің тиісті кезеңге арналған негізгі бағыттарында көрсетілетін болады.

Құжатты ағымдағы жылдың қазан айына жоспарланған ЖЕЭК-тің алдағы отырысы шеңберінде ЕАЭО мемлекеттерінің басшыларының бекітуі жоспарлануда.

• 21.09.2021
• 196