ТМД елдері бас прокурорларының Үйлестіру кеңесі туралы

Ағымдағы жылғы 23 қыркүйекте Нұр-Сұлтанда ТМД-ға қатысушы мемлекеттер Бас прокурорларының Үйлестіру кеңесінің (ТМД БП ҮК) 31-отырысы өтті.

Оған Әзербайжан, Армения, Өзбекстан, Тәжікстан, Молдова, Ресей Федерациясы, Қырғыз Республикасының Бас прокурорлары, сондай-ақ Халықаралық прокурорлар қауымдастығының басшысы және ТМД БПҮК атқарушы хатшысы мен комитетінің өкілдері қатысты.

Қызметтің негізгі бағыттары бойынша қадағалаудың прогрессивті практикалары туралы ақпаратпен алмастық.

Қылмысқа және заңдылықты бұзуға қарсы күресте, азаматтардың құқықтары мен бостандықтарын қорғауда ТМД-ға қатысушы мемлекеттердің құқық қорғау органдарының әріптестігін арттыру қажеттігі туралы уағдаластық.

Бірқатар құжаттарға қол қойдық, одан әрі өзара іс-қимылдың басым міндеттерін айқындадық, ТМД-ға қатысушы мемлекеттердің 2021-2025 жылдарға арналған сыртқы шекаралардағы шекаралық қауіпсіздікті нығайтудағы ынтымақтастығының арнайы бағдарламасын мақұлдадық.

Қатысушылар шарттық-құқықтық базаны кеңейту мәселелері бойынша екіжақты кездесулер өткізді.

ТМД БПҮК-нің келесі 32-ші отырысын 2022 жылы Беларусь Республикасында өткізу туралы шешім қабылдадық.

• 24.09.2021
• 236