Шымкент республикалық қала мәртебесін алғалы аумағы 40 мың гектардан 117 мың гектарға ұлғайды.

Шымкент республикалық қала мәртебесін алғалы аумағы 40 мың гектардан 117 мың гектарға ұлғайды. Бұл өзгерістер қаланың жаңа Бас жоспарына енеді.

Қолданыстағы 73 егжей-тегжейлі жоспарлау жобалары қаладағы құрылыс салу аумақтарының 85 пайызын қамтиды. Қазір қаланың дамуы солтүстік бағытта жүргізілуде. Оның ішінде 282 гектарда Әкімшілік-іскерлік орталықтың, 420 гектарда «Шымкент сити» шағын ауданының, 1200 гектарда «Тұран» тұрғын үй алабының құрылыстары қарқын алды. «Бозарық», «Солтүстік» тұрғын үй алаптары салынады.

Орталық бөліктегі ескі қала аумағы жаңаруда. Батыс бағытта – «Батыс» тұрғын үй алабы, шығыс бағытта – «Сауран» шағын ауданы бой көтереді. Оңтүстік бағытта құрылыс жұмыстары «Ақтас» тұрғын алабын қамтиды.

Әлемдік мегаполистердің тәжірибесіне сай, қаланың әрбір ауданында заманауи, көпқабатты тұрғын үйлерден тұратын шағын аудандар бой көтереді. Тұрғындар үшін қадамдық қолжетімділік принципі қолданылып, білім, медицина, спорт, мәдени ұйымдар шоғырланады.

Қазір Әл-Фараби, Қаратау аудандарында орталықтар қалыптасты. Құрылыс инвестициясының артуы Абай, Еңбекші аудандарында да заманауи орталықтар салуға мүмкіндік береді.

• 27.09.2021
• 309