Павлодар облысына жұмыс сапарым

Бүгін Павлодар жұртшылығымен кездесіп, өңірдің экологияық өзекті мәселелерін талқыладық. Павлодар облысы бойынша экологиялық Жол картасының жобасы жасалып жатыр.Өңірдегі экологиялық жағдайды жақсарту бойынша нақты шаралар қабылдап, нәтижелерге қол жеткізуіміз қажет.

Өзекті мәселелердің ішінде Ертіс өзеніне айрықша қорғалатын аумақ мәртебесін беру мәселесі қозғалды. Сондай-ақ,кәсіпорындарда ең озық қолжетімді технология-ды енгізу,жасыл желек,халықтың экологиялық мәдениеті және экологиялық заңнаманы бұзғаны үшін айыппұлды күшейту қарастырылды.

Аталған шаралардың барлығын жаңа Экологиялық кодекс жобасына енгіздік.Қаланың эко-белсенділеріне өңірдің экологиялық проблемаларына назар аударудағы үлкен жұмысы үшін алғыс айтқым келеді.

Сонымен қатар Павлодар облысы суармалы сумен қамтамасыз ететін нысандармен таныстым.Қ.Сәтбаев атындағы каналдың суторабындағы бөгетті қайта құру, Май топтық су құбыры, «Ертіс-Успенка" каналының суармалы учаскесі,сондай-ақ 1800 гектар "Андас" шаруа қожалығының суармалы алқабын іске қосу жобасы бар.

Өңірде ауыл-шаруашылығы жерлерін суармалы сумен қамтамасыз етуде ауқымды жұмыс жүргізілуде. Мәселен, "Ертіс-Успенка" каналының суармалы учаскесін 2021 жылдың аяғына дейін күрделі жөндеуден кейін біз 10 мың гектар жаңа суармалы жер енгізіледі деп күтіп отырмыз. Бұл ауқымды жер.

Облыстағы түрлі аудандарда басқа да жобалар бар. Жалпы өңірде 10 жыл ішінде суармалы жер көлемін қазіргі 56 мың гектардан 200 мың гектарға жеткізу қажет. Бұл күрделі әрі биік меже. Өңірде қазіргі уақытта ауыл шаруашылығында 2,5 млн гектар игерілетін жер бар.

Бұл ретте облыстағы барлық өнімнің 50%-ы 56 мың гектар осы суармалы жерде өндіріледі. Тиімділігі көрініп тұр. Сондықтан мемлекет бүгінде жаңа суармалы жерлерді енгізуге, қолданыстағы суару жүйелерін қайта жөндеп, жаңа нысандар салуға қаражат бөлуде.

• 07.08.2020
• 374