«QazTrade» ССДО» АҚ-ы «ҚТЖ» ҰК» АҚ, «РЖД Логистика» АҚ және «Ресей экспорттық орталығы» АҚ-мен «Еуразиялық Агроэкспресс» жобасын бірлесіп жүзеге асыру туралы келіссөздер жүргізді

«QazTrade» ССДО» АҚ, «ҚТЖ» ҰК» АҚ және оның еншілес компаниясы «KTZ Express» АҚ, «РТЖ Логистика» АҚ  мен  «Ресей экспорттық орталығы» АҚ өкілдері арасында жұмыс кездесуі болып өтті.

Тараптар «Еуразиялық Агроэкспресс» логистикалық сервисін құру жобасын іске асыру барысын талқылады. Жоба Аграрлық сектор өнімін теміржол көлігімен (стандартты және температуралық режимді қолдана отырып) Орталық Азия елдерінен Қазақстанға және РФ-ға жедел жеткізуді көздейді. Сондай-ақ, Оңтүстік-Солтүстік бағдарларының мүмкіндігі пысықталуда: ОАӨ және Қазақстаннан Ресей, Беларусь, Қытай және Батыс-Шығыс елдеріне (Беларусь, Ресей, Қазақстан Қытайға) одан әрі экспортқа шығарылатын өнімдер.

РЭО өкілдері қазақстандық тарапты бұрын ұйымдастырылған ресейлік агроэкспрестердің табысты болғандығы туралы хабардар етті.

Кездесуде, сондай-ақ, жобаны іске асыру үшін одан әрі жасалатын іс-шаралар қаралды. Тараптар қысқа мерзімде берілген бағыттар бойынша тасымалдарға бәсекеге қабілетті тарифтерді бекітуге келісті.

Кездесу қорытындысы бойынша «Еуразиялық Агроэкспресс» жобасын дамыту саласындағы ынтымақтастық туралы меморандум жасасу туралы шешім қабылданды.

Қазақстандық тараптың жобаға қатысуы Ресей, Беларусь, Қытай және Орталық Азия елдеріне АӨК-тің отандық өнімдерінің экспортын ұлғайтуға мүмкіндік береді. Жобадағы ынтымақтастық барлық қатысушылардың тең құқылы қатысу қағидаттарында болжанады, бұл қазақстандық экспорттаушылардың мүдделері теңгерімінің сақталуын қамтамасыз етеді.

• 01.10.2021
• 208