ҚР ТЖМ Мәлік Ғабдуллин атындағы Азаматтық қорғау академиясының 146 курсанты ант қабылдады

1 қазанда  Қазақстан Республикасы Тәуелсіздігінің 30 жылдығына орай, Көкшетау қаласында  «Тәуелсіздік» орталық алаңында Қазақстан Республикасы Төтенше жағдайлар министрлігі Мәлік Ғабдуллин атындағы Азаматтық қорғау академиясының 1-курсына алғаш рет қабылданған 146 курсанттың салтанатты түрде ант беру рәсімі өтті. 

Салтанатты шараға менен басқа Ақмола облысының әкімі Ермек Маржықпаев, сондай-ақ Төтенше жағдайлар министрлігінің бөлім басшылары мен азаматтық қорғау органдарының ардагерлері қатысты.

Рәсім аяқталған соң курсанттар алаң арқылы жүріп өтті.

Еске салайық, биыл ҚР Үкіметінің қаулысымен Төтенше жағдайлар министрлігінің Көкшетау техникалық институтына Мәлік Ғабдуллин атындағы Азаматтық қорғау  академиясының мәртебесі берілді.

Ел тәуелсіздік алған жылдар ішінде Академия табиғи және техногендік сипаттағы төтенше жағдайлардан жеке адамның, қоғамның және мемлекеттің қауіпсіздігін қамтамасыз ететін аса жауапты және қиын учаскелерде күндіз-түні қызмет ететін 5000-нан астам маманды даярлап   шығарды.

Бүгінде Академия 4 білім беру бағдарламасы бойынша білікті мамандарды дайындайды: «Өрт қауіпсіздігі», «Төтенше жағдайда қорғау», «Азаматтық қорғаныстың командалық-тактикалық күштері» және «Өрт сөндіру және авариялық-құтқару ісі».

• 05.10.2021
• 272