Baiterek Venture Fund KTK Service компаниялар тобына инвестиция жасады

Инвестициялар Қазақстан аумағы арқылы құрлықтағы жолмен транзиттік автокөлік жүк тасымалын дамытуға ықпалын тигізетін болады.

«Baiterek Venture Fund» АҚ («Қазына Капитал Менеджмент» АҚ еншілес ұйымы) «KTK Service» компаниялар тобын 3,6 млрд теңгеге қаржыландырды.

KTK Service – бұл көлік-экспедиторлық саладағы он жылдан астам тәжірибесі бар заманауи қарқынды дамып келе жатқан компаниялар тобы. Компания логистикалық нарықтың ірі ойыншылары, оның ішінде «Маммут Рус» ЖШҚ, «Globalink Logistics» ЖШС, DHL Cargo және «Ahlers Kazakhstan» ЖШС үшін габаритті емес және ауыр салмақты жүктерді алып жүруді және тасымалдауды жүзеге асырады.

Baiterek Venture Fund қаражаты бизнес процестерді одан әрі жаңғырту және KTK Service жүктерін тасымалдау және жеткізу жүйесінің тиімділігін арттыру мақсатында Volvo, Goldhofer, Schmitz Cargobull сияқты халықаралық өндірушілерден модульдік көлік жабдықтарын, тартқыштарды, тіркемелер мен рефрижераторларды сатып алуға бөлінді.

Қазіргі уақытта салмағы 200-300 тоннаға дейінгі габаритті емес жүктердің (генераторлар немесе турбиналар) күрделі тасымалдарын модульдік тіркемелердің көмегімен тек шетелдік компаниялар жүзеге асырады. Мұндай келісімшарттармен қызмет көрсету үшін жергілікті компаниялар олардан жабдықты жалға алуға мәжбүр. Осы жобаны қаржыландыру осындай шетелдік кәсіпорындармен бәсекелесуге мүмкіндік береді, көліктік-логистикалық тасымалдардың жергілікті нарығын дамытуға серпін береді, сондай-ақ, Орталық Азия елдеріне, Қытайға және Ресей Федерациясына көрсетілетін қызметтердің географиясын айтарлықтай кеңейтеді, бұл ағымдағы сәтте Қазақстанда бар транзиттік мүмкіндіктерді тиімді пайдалануға ықпал ететін болады.

Қаржыландырудың нәтижесінде 45 жұмыс орны ашылды. Жобаны іске асыру жол бойындағы инфрақұрылымды дамытуға және жаңа транс-еуразиялық көлік магистральдары жолында ШОБ субъектілерінің пайда болуына ықпалын тигізетін болады, олардың даму тиімділігі экономиканың басқа салаларына – туризмге, қызмет көрсету саласына және басқа жақтарға әсер ететін болады.

• 06.10.2021
• 237