Қылмыстық процесті жаңғыртудың аралық қорытындылары туралы

Бүгін қылмыстық процестің үш буынды моделіне көшу мәселелері жөніндегі Үйлестіру кеңесінің отырысын өткіздім.

Құқық қорғау ведомстволарының басшыларымен сотқа дейінгі тергеп-тексеру органдарының негізгі процестік шешімдерін келісу институтын енгізудің алғашқы нәтижелерін талқыладық.

Жаңа тәртіп адал азаматтарды қылмыстық салаға тартуға жол бермей, қабылданған шешімдердің заңдылығын ерте кезеңде қамтамасыз етуге мүмкіндік берді. Тергеушілер мен прокурорлардың өзара іс-қимылы жақсарды.

Қазір реформаның келесі кезеңін – прокурорларға аса ауыр қылмыстар бойынша айыптау актілерін жасау құқығын беруді енгізуге дайындалып жатырмыз.

Кеңестің қорытындысы бойынша қылмыстық процестің жаңа моделін дамытуға бағытталған іс-шаралар кешені әзірленді.

• 08.10.2021
• 280