Өзбекстан Республикасынан шығатын тығыздығы жоғары бастапқы полиэтиленге қатысты демпингке қарсы тергеп-тексеруге қатысты

2021 жылғы 8 шілдеде жарияланған баспасөз релизіне қосымша ретінде Еуразиялық экономикалық комиссия Өзбекстаннан шығатын тығыздығы жоғары бастапқы полиэтиленге қатысты демпингке қарсы тергеп-тексеру нәтижелері бойынша баяндама https://www.gov.kz/memleket/entities/mti/press/news/details/227030?lang=ru дайындағанын хабарлаймыз. Баяндамада көрсетілген тұжырымдар Өзбекстан Республикасынан тығыздығы жоғары бастапқы полиэтиленнің демпингтік импортының және осыған байланысты ЕАЭО экономика саласына келтірілген материалдық залалдың бар екенін куәландырады.

Осыған орай, Еуразиялық экономикалық комиссия Өзбекстан Республикасынан шығатын тығыздығы жоғары бастапқы полиэтиленге қатысты 5 жыл мерзімге кедендік құннан 20,3% мөлшерінде демпингке қарсы баж нысанында демпингке қарсы шараны енгізуді ұсынады.

Анықтама үшін: 2020 жылғы 27 шілдеде Еуразиялық экономикалық комиссия Өзбекстан Республикасынан шығатын тығыздығы жоғары бастапқы полиэтиленге қатысты демпингке қарсы тергеп-тексеруді бастады.

ЕАЭО СЭҚ ТН 3901 20 900 9 кодымен жіктелетін Өзбекстан Республикасынан шығатын үлес салмағы 0,94 г/см3 және одан астам қатты бастапқы нысандардағы бастапқы полиэтилен тергеп-тексеру объектісі болып табылады.

Осыған байланысты, егер Өзбекстан Республикасынан әкелінетін тығыздығы жоғары бастапқы полиэтиленге қатысты демпингке қарсы шараны қолдану теріс салдарға әкеп соқтыруы мүмкін болса, аталған шикізатты тұтынатын қазақстандық кәсіпорындардан Министрлікпен келесі байланыс деректері бойынша хабарласуды сұраймыз: 74-36-87, 74-29-86, m.kobenov@mti.gov.kz, e.syzdykova@mti.gov.kz.

• 14.10.2021
• 175