Сауда-экономикалық миссиялардың қорытындылары бойынша 200 млн. $ -ға келісімшарттар жасалды

2021 жылғы 7 қазанда «QazTrade» «ССДО» АҚ Бас директорының орынбасары Нұралы Бөкейханов ОКҚ брифингінде экспорттаушыларды сервистік қолдау құралдары туралы айтты.

2020 жылдан бастап мұндай қолдау операторы «Qaztrade» АҚ болып табылады.

«Бір жыл үзілістен кейін біз сауда-экономикалық миссияларды өткізу тәжірибесіне оралдық. Жыл басынан бері Әзірбайжан, Ресей, Тәжікстан, Қырғызстанда осындай 7 миссия өткізілді. Жасалған келісімшарттар мен меморандумдардың жалпы сомасы - шамамен $200 млн.», - деді ОКҚ алаңында Нұралы Бөкейханов.

Душанбеге локомотивтер, электр трансформаторлары жеткізіледі. Әзірбайжанға - жиһаз және үй тоқыма, Өзбекстанға - су сүзгілері, электронды есік құлыптары және қонақ үйлерге арналған кәсіби тұрмыстық химия, IT-қызметтер жіберіледі.

Сондай-ақ, сүт өнімдерін, тамақ және техникалық тұзды, макарон өнімдерін, ет өнімдері мен деликатестерді, тұрмыстық және өнеркәсіптік химияны жеткізуге экспорттық шарттарға қол қойылды.

QazTrade компаниясы, спикердің айтуынша, экспортқа бағытталған жобаларға инвестициялар тарту бойынша да жұмыс істеуде.

Мәселен, ол атап өткендей, «біз құн жасаудың жаһандық тізбегіне ену кейстерін пысықтап жатырмыз».

QazTrade Қазақстандағы алюминий қайта бөлу өндірісінің жағдайы бойынша талдау дайындады. Constellium халықаралық холдингі үшін Қазақстанда қосылған құны жоғары алюминий бұйымдары мен жиынтықтауыштардың (экструзиялық дайындамалар, профильдер және т.б.) өндірісін ұйымдастырудың әлеуетті тетігі ұсынылды.

Локализация үлесін арттыру бөлігінде автоөндірушілермен жұмыс жүргізілуде. Іске асыру барысында Қазақстанда Hyundai автомобильдеріне («АГФ-групп» ЖШС және «Hyundai Trans Kazakhstan» ЖШС) арналған кілемшелерді және одан әрі экспортқа бағытталған «СарыарқаАвтоПром» автомобильдеріне арналған отандық өндірістің кабельдік-өткізгіш өнімдерін дайындау жобалары жүзеге асырылуда.

2021 жылғы жоспарланған нәтиже - 100 млн. АҚШ доллары түрінде экспорттық түсім.

• 14.10.2021
• 241