«QazTrade «Ақылды экспорт» практикумын іске қосады

2021 жылғы 7 қазанда «QazTrade» ССДО» АҚ Бас директорының орынбасары Нұрлан Құлбатыров ОКҚ брифингінде.

Ол экспорттық қызметті енді бастаған бизнесті оқыту туралы хабарлады.

Алдағы күндері «Ақылды экспорт» практикумы іске қосылады. Оқыту 2 апта бойы онлайн-форматта өтеді. Практикум бағдарламасы кәсіпкерлердің қажеттіліктері мен сұраныстарын ескере отырып жасалады.

Экспорттық export.gov.kz порталында QazTrade Academy бөлімінде бизнесмен Қытай нарығына шығу бойынша экспорттаушыларға арналған электрондық сабақтардың мұрағатын таба алады.

Тағы бір жоба – «Ready4Trade — Орталық Азия» халықаралық сауда орталығының бастамасы, QazTrade де оның қатысушысы болып табылады. Жоба экспортқа шығуды енді бастаған немесе жоспарлап отырған өңірдің 5 елінің шағын және орта бизнесін оқытуға бағытталған. Бұл ретте 100-ден аспайтын қызметкері бар шағын кәсіпорындарға басымдық беріледі.

Жыл басынан бері 31 компания коучингтен өтті.

Оқытудың тағы бір бағыты - e-commerce. Қазір тоқыма және тігін өндірісі, қолөнер және агробизнес секторларының  ШОБ-тың 40 компаниясы цифрлық кеңістікте өз бизнесін дамыту бойынша оқытудан өтуде. Әрбір кәсіпорынға компанияларды жеке сүйемелдеуді қамтамасыз ететін бизнес-жаттықтырушы бекітілген.

• 14.10.2021
• 186