Маңғыстау облысының кәсіпорындары Экспорттық акселерация-2021 бағдарламасына белсенді қатысуда

20 қазан 2021 ж. Маңғыстау облысына жұмыс сапары барысында QazTrade басшысы Азамат Асқарұлы экспорттық акселерация-2021 бағдарламасының қатысушысы «Каскор-Машзавод» АҚ машина жасау кәсіпорнына барды.

«Каскор-Машзавод» АҚ еліміздегі жетекші машина жасау кәсіпорындарының бірі болып табылады. Зауыт әртүрлі күрделі техникалық жұмыстарды жүзеге асыратын заманауи жабдықтармен жабдықталған. Маңғыстау өңірінің мұнай-газ орталығында бола отырып, «Каскор-Машзавод» АҚ облыстың мұнай-газ кәсіпорындарының тіршілігін қамтамасыз ету жүйесіне кірді. Кәсіпорын мұнай-газ секторының қажеттіліктері үшін мұнай кәсіпшілігі мен химиялық жабдықтар шығаратын өңірдегі жетекші кәсіпорындардың бірі болып табылады.

Кәсіпорын 45 мың тонна құбыр өнімдерін шығара отырып, толық қуатында (90%) жұмыс істейді. Қазіргі уақытта компания жабдықтарды жаңартуды жүргізуде және келесі жылдың басынан бастап Өзбекстан мен Қырғызстан нарығына сорғы-компрессорлық құбырларды (СКҚ) жеткізу бойынша шығуды жоспарлап отыр.

«Каскор-Машзавод» АҚ «Өндірістік мақсаттағы үздік кәсіпорын» номинациясында Қазақстан Республикасы Президентінің «Алтын Сапа» - 2017 сыйлығының иегері болып табылады.

QazTrade, экспорттық акселерация-2021 бағдарламасы аясында «Каскор-Машзавод» АҚ жаңа серіктестер мен өткізу нарықтарын табуға көмектесетін болады.

ҚР Сауда және интеграция министрлігі шикізаттық емес экспортты қолдаудың қаржылық емес шараларының операторымен бірлесіп QazTrade «Экспорттық акселерация 2021» бағдарламасын іске қосты. Ағымдағы жылы бағдарламаға қатысу үшін химия, жеңіл, тамақ өнеркәсібі, оның ішінде машина жасау салаларында 100-ден астам кәсіпорын іріктелетін болады. Бұдан басқа, 2021 жылғы бағдарлама сыртқы нарықтың тұтынушыларына өз қызметтерін көрсетуге мүдделі қызмет көрсету саласындағы компанияларға мүмкіндік береді. Бағдарлама шеңберінде қазақстандық өнімді нақты ілгерілету үшін нысаналы нарықтар ретінде Қытай Халық Республикасы, БАӘ, Ресей және Орталық Азия елдері айқындалды.

• 26.10.2021
• 212