Қазақстан мен Бразилия арасындағы тауар айналымы $109,8 млн құрады

Нұр-Сұлтан-2021 жылғы 20 қазанда Қазақстан Республикасының сауда және интеграция Вице-министрі Қайрат Төребаев Байя штатының губернаторы Руи Коста Дос Сантоспен кездесті.

Қазақстан үшін Бразилия маңызды әрі перспективалы сауда серіктесі болып табылады. Сонымен, 2021 жылдың 8 айында тауар айналымы 2,3 есе өсіп, $109,8 млн. құрады, бұл ретте 2021 жылдың қаңтар-тамыз айларында экспорт 92,6%-ға өсті және $47,4 млн. құрады, 2021 жылдың қаңтар-тамыз айларында Импорт 2,7 есе өсіп, $62,4 млн. құрады.

Қазақстандық экспорт құрылымында күкірт, ферроқорытпа, қара металдардан жасалған бұйымдар мен уран басым. Бразилия импорты негізінен қант, жеміс-көкөніс шырындары, кофе, дәрі-дәрмектерден тұрады.

Бұдан басқа, Қазақстан тарапы сауда ағындарын әртараптандыру және өзара сауда көлемін ұлғайту бойынша бірлескен күш-жігер қабылдауды ұсынды. Қайрат Төребаевтың айтуынша, Қазақстанда Бразилияның қатысуымен 5 кәсіпорын бар.

"Қазақстан $ 433,8 млн сомасына 55 әлеуетті тауар жеткізуге дайын, металлургия, тамақ, химия және машина жасау салаларының өнімдерін жеткізуді ұлғайтуға мүмкіндігіміз бар", - деп хабарлады Қайрат Төребаев.

ҚР сауда және интеграция Вице - министрі Қ.Төребаев Бразилиялық инвестицияларды тарту үшін "Қорғас" ШЫХО әлеуетін пайдалануды, сондай-ақ оны ҚХР нарығына көтерме-бөлшек экспорттау үшін алаң ретінде пайдалануды ұсынды.

Ол қазіргі уақытта Қазақстан Республикасы ЕАЭО бірыңғай тауар өткізу жүйесінің (ЕТПС) және одан әрі кеңейту перспективасымен Орталық Азия елдерінің тірек нүктелері болатын шекара маңындағы индустриялық сауда-логистикалық хабтар желісін іске асыратынын атап өтті. Сондай-ақ Бразилия тарапына хабтар базасында халықаралық сауда кластерлерін кешенді түрде дамыту ұсынылды, бұл халықаралық деңгейде тұрақты кооперациялық байланыстарды қалыптастыруды қамтамасыз етеді.

"Қорғас "ХШЫО" АЭА артықшылықтары ҚХР және ЕАЭО нарығына қолжетімділік, визасыз режим, АЭА қатысушыларына берілетін салық жеңілдіктері, бажсыз сауда, дайын инженерлік және көлік инфрақұрылымының болуы болып табылады", - деді Қайрат Төребаев.

Сонымен қатар, Қазақстан тарапы ДСҰ-ның алдағы 12-ші министрлік конференциясы аясында Қазақстан мен Бразилияның өзара іс-қимылының маңыздылығын атап өтті. Қазақстанда сауда, инвестициялар және бизнес жүргізу үшін либералды режим бар.

Кездесу барысында "Qaz Trade "Сауда саясатын дамыту орталығы" АҚ Бас директорының орынбасары Құлбатыров Нұрлан экспортты, интеграциялық үдерістерді ілгерілетудегі, ішкі сауданы реттеудегі құралдардың кең ауқымы бойынша таныстырылым ұсынды. Ұйым өзін Қазақстанда Бразилиялық бизнесті жолға қою үшін болашақ серіктес ретінде көрсетті.

Өз кезегінде Байя штатының губернаторы Руи Коста Дос Сантос Бразилияның әлеуеті зор екенін және мұнай-химия және өңдеу секторында, ауыл шаруашылығында және тау-кен өнеркәсібінде ынтымақтасуға дайын екенін атап өтті.

Руи Коста Дос Сантос мырза Қазақстан өзінің сауда-экономикалық жоспарларын орнатуға үміттене алатынын және Байя штатында орналасқан оңтүстік теңіз портын пайдалана алатынын хабарлады.

Кездесу қорытындысы бойынша тараптар ортақ кооперацияны бастауға болатын салалар бойынша ортақ тақырыптарды сәйкестендірумен айналысуға, сондай-ақ сауда-экономикалық қатынастарды дамытуды жалғастыруға келісті.

• 26.10.2021
• 219