С. Шәпкенов қоғамдық қабылдауда азаматтарды қабылдады

ҚР Еңбек және халықты әлеуметтік қорғау министрі Серік Шәпкенов Еңбек және халықты әлеуметтік қорғау министрлігінің қоғамдық қабылдау бөлмесінде азаматтарды онлайн түрде қабылдады. 3 сағаттық қабылдау барысында ведомство басшысы Нұр-Сұлтан қаласының, сондай-ақ Атырау, Шығыс Қазақстан және Қостанай облыстарының 10 тұрғынының мәселелерін қарады.

Азаматтар министрге мүгедектікті белгілеу, мүгедектігі бар адамдарды жеңілдіктермен, техникалық оңалту құралдарымен және тұрғын үймен қамтамасыз ету мәселелері бойынша көмек пен кеңес алу үшін жүгінді. Сонымен қатар, Еңбек және халықты әлеуметтік қорғау министрі жүгінген азаматтармен еңбек инспекцияларының жұмысын, өндірістегі жазатайым оқиғалар мен жұмысқа орналасу проблемаларын, сондай-ақ атаулы әлеуметтік көмек тағайындау мәселелерін талқылады.

Азаматтардың өтініштері мен ұсыныстарын тыңдаған Серік Шәпкенов олардың өтініштері бойынша егжей-тегжейлі жауаптар берді, ал қарауға қосымша уақытты қажет ететін мәселелер бойынша ҚР Еңбекминінің тиісті департаменттеріне өз құзыреті шеңберінде оларды шешуге жәрдем көрсетуге тапсырма берді.

• 27.10.2021
• 310