Таза қала – саламатты ортаның кепілі.

Мемлекет басшысы қоршаған ортаны қорғау жүйесіне қатысты серпінді экологиялық саясат жүргізуді тапсырды. Халықтың экологиялық мәдениетін арттырудың маңыздылығы ескеріліп, «Бірге – таза Қазақстан» тазалық акциясыларын өткізу дәстүрге айналды.

Тәртіп – тазалықтан басталады. Қаламызға сырттан адам келіп қоқыс төкпейді. Ластыққа жол бермеу өз қолымызда. Мегаполис атану қала көлемін ұлғайту ғана емес, тазалық мәдениетін жетілдіруді талап етеді.

Былтырдан бастап тұрғындар арасында экологиялық сана қалыптастыру бастамасын қолға алдық. «Эко сана» тазалық акцияларына 17 команда үлес қосты.

Айналаны таза ұстап, экологиялық өмір салтын қалыптастыру бойынша менің тапсырмаммен Шымкент қаласында экологиялық айы жарияланды. Жастар ұйымдарынан «Эко сана» акцияларына 25 команда қатысады.
Экология айы шеңберінде тұрғын үй аулаларында, өзен жағалауларында тазалық жұмыстары атқарылып, жасыл желек қоры күтімге алынады.

Таза қала – саламатты ортаның кепілі. Жалпықалалық экологиялық акцияларынан қалыс қалмай, азаматтық белсенділік танытуға шақырамын.

• 28.10.2021
• 170