Құрметті қала тұрғындары!

Хабарларыңыз бар, 1 қыркүйек пен 30 қазан аралығынада тәуелсіз еліміз тарихындағы үшінші ұлттық халық санағы жүргізілуде. Жалпыұлттық науқанда алғаш рет цифрлық технологиялар қолданылуда.

Тұрғындар 15 қазанға дейінгі мерзімде sanaq.gov.kz сайты арқылы интернет-сауалнамаға қатысып, өзі және отбасы мүшелері туралы деректерді енгізе алады.
Бүгінге дейін онлайн санаққа Шымкент қаласынан 235 475 адам қатысып, барлық тұрғындардың 21,4 пайызын ғана құрады.

1 қазаннан бастап санақтың жалпы аралау кезеңі басталды. Интервьюерлер онлайн санақтан өтпеген тұрғындардың үйлеріне барып сауалнама жүргізеді. Персоналда санақтың символикасы бар көк түсті шарф пен портфель, планшет және бейдждік куәлігі болады.

«Қазақстанда әркім маңызды!» ұранымен өтіп жатқан санақ алдағы дамуымыздың маңызды шарты болмақ. Айқындалған адам санына байланысты мектеп, аурухана, спорт алаңшаларын салатын боламыз. Халықтың нақты саны тұрғын үй құрылысын жоспарлауға, автомобиль жолдарын салуға, су, газ, электр желілерін жүргізуге керек.

Қала тұрғындарын елдік бастамаға үлес қосып, белсенді болуға шақырамын.

• 28.10.2021
• 194