Онлайн қабылдау өтті

Бүгінгі онлайн қабылдауыма 8 азамат жазылды. Тұрғындар жерлерді заңдастыру, инфрақұрылым жүйелерімен қамту, көшелеріне асфальт төсеу, жарықтандыру жүргізу бойынша өтініштерін білдірді.

Көтерілген мәселелердің барлығынан хабардармын. Үйлерді заңдастыруда қала құрылысы нормативтері басшылыққа алынатынын түсіндірдім. Инфрақұрылым жүйелері мен көшелерді жарықтандыру кезеңдік жоспарларға сай атқарылады. Асфальт төсеу жұмыстары жер асты инженерлік жүйелері орналастырылғаннан кейін іске асырылады.

5 азамат тұрғын үй мәселесімен хабарласты. Мемлекеттік тұрғын үй қорынан баспана беру заңда белгіленген тәртіппен және кезек ретімен берілетінін, "уақытша баспана беру" дегеннің заңға қайшы екенін тағы да айтып өттім.

Әр айдың бірінші сәрсенбісінде азаматтарды жеке мәселелерімен онлайн режимде қабылдау өткіземін. Қабылдауға жазылу бойынша 24-70-01 телефонына хабарласуларыңызға болады.

• 28.10.2021
• 207