Су шаруашылығын дамыту

Су шаруашылығын дамыту экономикалық, әлеуметтік және экологиялық тұрғыда маңызды. Су арналарын қалпына келтіру - азық-түлік қауіпсіздігін сақтау мен қаламызға тән құрғақ климаттың әсерін төмендетуге мүмкіндік береді.

Қаламызда 34 канал бар. Ауыл шаруашылығы мақсатында 27 канал пайдаланылады. 7 канал – ирригациялық қызмет атқарады.
Биылғы жылы 3 канал күрделі жөндеуден өткізілуде. Нәтижесінде 1700 гектардан астам суармалы жер айналымға қосылады. Лоток каналдары арматурамен бекітіліп, бетондалуда. Су шығыны 20 пайызға азайып, халық пен экономика салалары үшін ағын су толық көлемде жеткізіледі.

2025 жылға дейінгі мерзімде 22 каналды қалпына келтіру жұмыстары атқарылып, 5 мың гектар суармалы жер айналымға қосылады. Су үнемдеу технологияларын енгізу, су өткізу жүйелерін цифрландыру бойынша шаралар қабылданады.

Шымкентте су ресурстарының қоры жеткілікті. Байлығымызды тиімді пайдалануымыз қажет. Өзендерімізді қоқыс төгетін орынға айналдырмайық! Су айдындарының экологиялық жүйесін қалпына келтіруге үлесімізді қосайық!

• 28.10.2021
• 232