ҚР ИИДМ басшысы Үндістан елшісімен екі ел арасындағы тікелей рейстерді қайта бастау жайын талқылады

ҚР Индустрия және инфрақұрылымдық даму министрі Бейбіт Атамқұлов Үндістанның Қазақстандағы Төтенше және Өкілетті Елшісі Шубхдаршини Трипатимен кездесті.

Тараптар Қазақстан мен Үндістан арасындағы экспорттық және импорттық операциялар кезінде өнеркәсіп, көлік және логистика саласындағы ынтымақтастық перспективаларын, инфрақұрылымдық жобаларда тәжірибені пайдалану мүмкіндіктерін, сондай-ақ екі ел арасында тікелей әуе рейстерін қалпына келтіру жайын талқылады. Таяу уақытта екі елдегі эпидемиологиялық жағдай жақсарған кезде Алматы-Дели бағытында рейстерді қайта жаңарту жоспарланып отыр.

Сондай-ақ, ҚР ИИДМ басшысы үнді бизнесін республикада жасалған қолайлы іскерлік және инвестициялық жағдайды пайдалануға және елдің түрлі өнеркәсіптік жобаларына қаражат салуға шақырды.

• 29.10.2021
• 342