Цифрландыру туралы

Прокуратура органдары қадағалауды жүзеге асырудан басқа құқық қорғау қызметін цифрландырумен айналысады. Осы жұмыс учаскесін Құқықтық статистика және арнайы есепке алу комитеті қамтамасыз етеді.

Қазақстан Республикасының 2025 жылға дейінгі Стратегиялық даму жоспарында қылмыстық сот ісін жүргізуді цифрлық форматқа кезең-кезеңмен көшіру көзделген.

Қазірдің өзінде сотқа дейінгі тергеп-тексерулерді тіркеу, оларды электрондық форматта жүргізу,  тергеудің негізгі шешімдерін прокурорлардың келісуі және т. б. автоматтандырылды.

Ағымдағы жылдың 1 тамызынан бастап Солтүстік Қазақстан және Қостанай облыстарының құқық қорғау органдарының базасында қылмыстық қудалау органдарының әрекеттеріне (әрекетсіздігіне) шағымдарды қабылдау, тіркеу және қарау бойынша (ҚПК 105-бабының тәртібінде) пилоттық жоба іске қосылды .

Жоба мемлекеттік органдардың жұмысын және прокурорлық қадағалаудың тиімділігін жетілдіруге бағытталған. Сынақтан өткізу ағымдағы жылдың соңына дейін жүргізіледі.

• 03.11.2021
• 271