С. Шәпкенов қоғамдық қабылдауда азаматтарды қабылдады

ҚР Еңбек және халықты әлеуметтік қорғау министрі Серік Шәпкенов министрліктің қоғамдық қабылдауында азаматтарды онлайн қабылдады. 6 сағатқа созылған қабылдау барысында ведомство басшысы Нұр-Сұлтан мен Алматы қалаларының, сондай-ақ Атырау, Батыс Қазақстан, Қарағанды, Маңғыстау және Түркістан облыстарының 15 тұрғынының мәселесін қарады.

Азаматтар министрге жалақыны кешіктіру, медицина қызметкерлерінің еңбекақысын арттыру, жұмысқа орналастыру және мүгедектігі бар адамдардың еңбекақысын төлеу мәселелері бойынша көмек пен кеңес алу үшін жүгінді. Еңбекмині басшысы еңбек заңнамасын бұзу, көпбалалы отбасылар мен қиын өмірлік жағдайға тап болған адамдарды қолдау туралы өтініштерді де қарады.

Өтініштер мен ұсыныстарды тыңдаған Серік Шәпкенов, оларға егжей-тегжейлі жауаптар берді, ал қарауға қосымша уақытты қажет ететін мәселелер бойынша ҚР Еңбекмині тиісті департаменттеріне өз құзыреті шеңберінде оларды шешуде жәрдем жасауға тапсырма берді.

• 04.11.2021
• 72