Экстрадиция туралы

Халықаралық ынтымақтастық нысандарының бірі – әртүрлі қылмыстар жасағаны үшін күдіктілерді ұстап беру болып табылады. Бұл ұзақ және көп еңбекті талап ететін рәсім, күтілетін нәтижелерге жеткізу үшін көп уақыт және күш жұмсалады.

Соңғы 10 жыл ішінде өзге құқық қорғау органдарымен бірлесіп, жасырынып жүрген 900-ге жуық қылмыскерді Қазақстанға қайтару мүмкін болды.

Биылғы жылы шетелдік құзыретті органдардың атына ұстап беру туралы 40 сұрау салу жолданып, оның 25-і қанағаттандырылды.

Мысалы, бүгін Бас прокуратура мен Ішкі істер министрлігінің қызметкерлері Германиядан Қазақстан Республикасының азаматы А.Қ. Шәріповті экстрадициялады. Оның қылмыстық әрекетінен 60 азамат зардап шеккен.

Осы бағыттағы жұмыстар жалғасатын болады.

• 05.11.2021
• 260