Бақыт Сұлтанов: "Экспорттық акселерация-2021" бағдарлама туралы

Достар! Біз "Экспорттық акселерация – 2021" бағдарламасына қатысу үшін компанияларды іріктеуді аяқтадық.

Осы аптада экспортқа бағдарланған 101 белсенді компания айқындалды, олардың өнімдері мен қызметтері Ресей, ҚХР, БАӘ, Өзбекстан және Қырғызстан нарықтарына ілгерілейтін болады.

Іріктеу процесі ұзақ, күрделі және өте мұқият болды. Бағдарламаға қатысуға 350-ден астам компания өтінім берген. Олардың ішінде Орталық Азия мен Араб Әмірліктері бағыты бойынша іріктеуден тек 61-і ғана өте алды, дәл осындай қатаң кастинг Ресей (25 компания) мен ҚХР (15 компания) нарықтарын шығаруға іріктеу кезінде болды.

Бағдарламаға қызығушылық таныта бастаған отандық кәсіпорындар мен қызмет көрсетушілердің көптігі бізді қуантты.

Бұл дегеніміз, бүгінде отандық бизнес басқа елдердің аналогтарымен сапалы бәсекелесуге дайын. Бірақ біз кейбір кәсіпорандардың шағын партияларды бір реттік жеткізуге назар аударатындығына тап болдық-өндіріс көлемінің аздығына байланысты үлкен немесе ұзақ мерзімді келісімшарттар мүмкін емес. Қалай болғанда да, өтінім берген барлық компанияларды біз "тізімге алып" және оларды экспорттаушыларды қолдау шараларының операторы QazTrade компаниясы жүргізетін экспортты оқыту жөніндегі интерактивті бағдарламаларға бағыттаймыз (Айтпақшы, ол экспорттық акселерация бағдарламасын да іске асырады)

Енді Акселератор бағдарламасының жаңа жиынтығы туралы көбірек айта кетсек.

Жобаға қатысушылардың негізгі бөлігі – өндірістік кәсіпорындар (тамақ өнеркәсібі, машина жасау, жеңіл өнеркәсіп және химия өнеркәсібі). Сондай-ақ бағдарламаға алғаш рет сервистік компаниялар (білім беру жобалары, көлік, инновациялық, компьютерлік, инженерлік қызметтер) шақырылды. Таңдалған компаниялардың бестен бір бөлігі үшін Акселератор экспорттаудың алғашқы тәжірибесі болады.

Жүздеген компаниялардың үштен бірі шағын кәсіпкерлік санатына жатады, тағы осынша бөлігі – орта бизнес. Биылғы жылы бағдарламаға Қазақстанның барлық өңірлерінен келген кәсіпкерлер қатысатыны қуантады. Бұл Акселератор бағдарламасы бизнесте сұранысқа ие екенін білдіреді.

Енді компанияларға біздің сарапшыларымыздың ұсынымдарын іске асыру бойынша оқыту және жұмыс істеу қажет (айтпақшы, оқытуды тек қана қазақстандық сарапшылар ғана жүргізбейді, сонымен қатар таңдалған нарықтар туралы үлкен білімі бар және тауарларды ілгерілетуде үлкен тәжірибесі бар шетелдік сарапшылар ). Және В2В кездесілер , әрбір компания үшін QazTrade іріктейтін әлеуетті шетелдік серіктестермен келіссөздер жүргізіледі. Бағдарлама түлектерімен жұмыс тренингтермен аяқталмайды – жыл бойы QazTrade бағдарлама қатысушыларын "жетектеп" сауда келіссөздері мен сауда миссияларына қатысуға көмектеседі.

Мен барлық "Акселератор бағдарламасына алғашқы қатысушыларына" экспорттық нарықтарды, ұзақ мерзімді ірі келісімшарттарды және жоғары валюталық кірістерді игеруде сәттілік тілеймін!

• 08.11.2021
• 203