Ақмола облысына жұмыс сапарым жайында

           Ақмола облысына барған жұмыс сапарымда Бұланды ауданындағы егін жинау жұмысымен және  "Журавлевка-1" ЖШС аграрлық кәсіпорнының жәй-күйімен таныстым. Сондай-ақ, Макинск қаласындағы элеватордың дәнді дақылдардың жаңа өнімін қабылдауға дайындығын, жаңа май зауытының құрылысын, 50 мың тонна құс етіне арналған ірі инвестициялық жобаның екінші кезегін тексеріп қайттым.

           Биылғы жылы «Журавлевка-1» ЖШС-нің егістік алқабы шамамен 59 мың гектарды құрады. Оның ішінде 33,5 мыңы бидайға, 12 мыңнан астамы арпаға, 4 мыңға жуық зығырға, 5 мың га рапсқа бөлінді.

           "Журавлевка-1" серіктестігі өсімдік шаруашылымен қатар мал шаруашылығын да қарқынды дамытып отыр. Қазірдің өзінде кәсіпорында 260 бас қой мен жылқы, 1547 бас ірі қара бар.

            Компанияда облыстың 600 тұрғыны жұмыс істейді, егін жинау дәл уақытында басталып, аймақтағы ауа-райы мен ылғалды климатқа қарамастан жұмыс жүйелі жүріп жатыр.

           "Макинск құс фабрикасы" ЖШС - құс етін өндіру саласындағы импортты алмастыру бойынша ірі ауқымды инвестициялық жоба.

             Екінші кезең іске қосылғаннан кейін құс фабрикасы өндірістік қуатын жылына 50 мың тоннаға дейін арттырады. Сонымен қатар, компанияның жоспарында жобаның 3-ші кезегін салу және сол арқылы өндірісті 60 мың тоннаға дейін ұлғайту қарастырылып жатыр. Компанияның барлық өнімдері ішкі нарықта сатылатыны маңызды.

             Естеріңізге сала кетейік, алдағы жылдары импортты алмастыру аясында Қазақстанда жалпы қуаттылығы жылына 175 мың тонна болатын 12 жаңа құс фабрикасы іске қосылады, оның алтауы осы жылы пайдалануға беріледі.

            Қазір құс етін 24 құс фабрикасы өндіреді. Күн сайын олар 800 тоннадан астам өнім шығарады. Жаңа құс фабрикаларын енгізудің арқасында импорттың үлесін тұрақты түрде төмендетуге болады. 2018 жылы елде 192 мың тонна, 2019 жылы 223 мың, биылғы жылдың 7 айында – 135,6 мың тонна өндірілді.

             Бұланды ауданы Макинск қаласында өсімдік майын өндіретін жаңа зауытты "Бота-2015"ЖШС салуда. Тәулігіне 600 тонна шикізат шығаратын заманауи өндіріс майлы дақылдарды қайта өңдеуді қамтамасыз етеді. Дайын өнім көрші нарықтарға экспортталатын болады.

             Осындай зауыттарды ШҚО-да салу жоспарланып отыр, ал Алматы қаласында заманауи зауыт іске қосылды. Мұндай өндірістер қосылған кезде шикізат экспортынан кетуге мүмкіндік береді.

            Нысандарды толық аралап болғаннан кейін журналистермен кездестім. Кездесу егіс алқабында еркін форматта өтті. Өздерін қызықтырған барлық сұрақтарға жауап бердім.

• 28.08.2020
• 464