Бақыт Сұлтанов "Nur Otan" алаңында азаматтарды қабылдады

2021 жылғы 3 қарашада Сауда және интеграция министрі Бақыт Сұлтанов "Nur Otan" партиясының Республикалық қоғамдық қабылдауында азаматтарды қабылдады.

Министрмен кездесуге экспортты ілгерілету және ішкі сауда мәселелері бойынша 2 адам келді.

"Шатхабар" ЖК қаржы директоры Жеңіс Сейтімбетов Министрге өндірілетін бал өнімдерін экспортқа шығара отырып, өткізуді ұлғайту мәселесі бойынша жүгінді.

Бақыт Сұлтанов QazTrade компаниясының базасында экспорттаушыларды қолдаудың қаржылық, сондай-ақ қаржылық емес түрлі шаралары көрсетілетінін хабарлады.

Осылайша, Экспорттық акселерация бағдарламасы шеңберінде қатысушылар оқытудан өтеді, шетелдік әріптестермен жұмыс істеу бойынша бизнес-дағдыларды игереді. Экспорт бойынша қажетті құзыреттерді алу бизнесменге халықаралық нарықтарға шығуға мүмкіндік береді. Сонымен қатар, Министр QazTrade компаниясы өткізетін "Ақылды экспорт" бағдарламасының тренингтеріне қатысуға шақырды.

Сонымен қатар, Бақыт Сұлтанов Министрлік кәсіпкерлерге олардың тауарларын Alibaba, Ozon және т.б. электрондық сауда алаңдарын қоса алғанда, халықаралық маркетплейстерге шығаруға жәрдем көрсететінін хабарлады.

Сауда және интеграция министрі бизнесменді экспорттық келісімшарттарды сақтандыру бойынша мемлекеттік қолдау шаралары, "Қазақэкспорт" желісі бойынша экспорттаушыларды қолдаудың қаржылық шарасы туралы хабардар етті. Бұл құралдар отандық кәсіпорынға қазақстандық тауарларды өткізуді көздейтін экспорттық келісімшарт бойынша шетелдік контрагенттің төлемеу тәуекелінен қорғануға мүмкіндік береді.

Азамат Шынақұлова Ботагөз әлеуметтік маңызы бар азық-түлік тауарларына (ӘМАТ) баға белгілеу мәселесі бойынша жүгінді.

Министр ӘМАТ негізгі түрлеріне бағаның негізсіз және күрт өсуін тежеу үшін Үкімет қабылдап жатқан шаралар туралы хабардар етті.

Ол, сондай-ақ, Үкімет ӘМАТ бағасын ұстап тұру бойынша 42 жедел және жүйелі шараларды қамтитын Инфляцияға қарсы ден қою шараларының кешенін әзірлегенін атап өтті.

Министрлік көтерілген мәселелер бойынша қабылдау қорытындысы бойынша қажетті жұмыс жүргізеді.

Баспасөз қызметі

ҚР Сауда және интеграция министрлігі

Тел.: 8(7172) 74 98 94

www.mti.gov.kz

https://www.facebook.com/mtiqz/

https://t.me/tradenewsQZ

• 08.11.2021
• 247