AliExpress Ресей Қазақстанның Сауда министрлігіне ынтымақтастықты «Қорғас» ШЫХО арқылы дамытуды ұсынуды

3 қарашада, ҚР Сауда және интеграция вице-министрі Ержан Қазанбаев Қазақстанмен ынтымақтастық мәселелері бойынша AliExpress Ресей өкілдерімен кездесу өткізді.

Кездесу барысында тараптар ЕАЭО кедендік аумағына тауарларды бажсыз әкелу мәселесін талқылады.

2020 жылы Еуразиялық үкіметаралық кеңес халықаралық электрондық сауда шеңберінде жеке тұлғалар жеке пайдалану үшін сатып алатын тауарларды ЕАЭО кедендік аумағына бажсыз әкелу шегін кезең-кезеңімен төмендету мәселелерін пысықтауды тапсырды.

Бүгінгі күні 200 еуро (немесе салмағы бойынша 31 кг) мөлшерінде бажсыз шек белгіленген. Осы шектен асып кеткен жағдайда мұндай асып кетудің 15% - ы (не 2 евро/кг) мөлшерінде кедендік баж төленеді.

Ресейдің Aliexpress мемлекеттік органдарымен байланыс жөніндегі Вице-президенті Сергей Лебедев ҚР Сауда министрлігіне бажсыз әкелу құқығын сақтау туралы ұсыныс жасады.

Сонымен қатар, кездесуде Қорғас ШЫХО-ны дамытуға қатысты басқа мәселе де талқыланды.

"Қытайдан Орта Азияға тауарлар Шығыс Еуропа арқылы жеткізілетіндіктен, жеткізу шамамен 60 күнді алады. Бұл тұтынушылар үшін тартымсыз болады, содан кейін ол тауарларды сатып алуды тоқтатады. 30 күнге дейін төмендеген кезде тауарларды сатып алудың өсуі тағы да байқалады", - деді ТМД Алиэкспресс Россия бағытының жетекшісі Дмитрий Андрюхин.

Осыған байланысты, Aliexpress Ресей өкілдері Қазақстанға тауарларды жеткізу үшін тұрақты маршрутты орнату және Орта Азия өңірлері үшін Қорғас базасын пайдалану туралы ұсыныс жасады.

Кездесу соңында Ержан Қазанбаев Қазақстанның келіссөздер үшін ашық екенін және ынтымақтастықты жалғастыруға мүдделі екенін атап өтті.

2021 жылдың бірінші жартыжылдығында Қазақстан тұрғындары AliExpress Ресей платформасында 3,7 млн-нан астам тапсырыс ресімдеді. Болжам бойынша, жыл қорытындысы бойынша Қазақстанға 10 млн-нан астам Посылка жеткізілетін болады.

• 09.11.2021
• 220