Қарағанды облысының Өңірлік экспорттық кеңестің отырысы өтті

5 қараша 2021 ж. Қарағанды қаласында экспортқа бағдарланған компаниялардың қатысуымен Өңірлік экспорттық кеңестің отырысы өтті.

Отырысқа ҚР Сауда және интеграция министрлігінің Экспортты ілгерілету департаментінің директоры Өмірбек Баштай, Қарағанды облысының Өнеркәсіп және индустриялық-инновациялық даму басқармасының басшысы Мұрат Қыдырғанбеков, «QazTrade» АҚ Жобаларды дамыту департаменті директорының орынбасары Айымгүл Нұрғалиева және «KazakhExport» ЭСК» АҚ Қарағанды облысы бойынша өңірлік өкілі Әділ Мұханов қатысты.

Айымгүл Нұрғалиева өңірдің экспорттаушы кәсіпорындарына экспорттаушылар үшін «бірыңғай терезе» жаңа мүмкіндіктерін ұсынып, экспортты қолдау бөлігінде мемлекет жоспарлаған шаралар туралы айтып берді.

Бүгінгі таңда QazTrade шикізаттық емес өнімдерді экспорттауды дамыту және жылжыту жөніндегі оператор болып табылады. Компания іс жүзінде компанияның диагностикасы мен оның экспорттық мүмкіндіктерін бағалаудан бастап, жоғары сапалы аналитикалық және консалтингтік қызметтерді ұсынуға дейінгі отандық өнімді өндірушілерді қаржылай емес қолдаудың барлық құралдарын шоғырландырады. Сонымен қатар, осы жылдан бастап Компания экспорттаушылардың шығындарын да өтейді».

Өңірлік экспорттық кеңестердің басты міндеті бизнес-қоғамдастық өкілдерінің уәкілетті мемлекеттік органдармен және экспортты дамыту институттарымен тікелей байланысын орнату болып табылады, соның арқасында туындаған барлық проблемалық жағдайларға жедел ден қою мүмкіндігі пайда болады.

QazTrade өкілдері отандық кәсіпкерлерді қолдаудың қолда бар құралдарын (экспортқа арналған шығындардың бір бөлігін өтеу, экспорттық акселерация, электрондық сауда алаңдарына шығару, экспорттық қызметті оқыту) егжей-тегжейлі ұсынды және экспорт мәселелері бойынша проблемалық мәселелерді талқылады.

Өңір экспорттаушылары QazTrade-мен белсенді ынтымақтасып, қолдау шараларын қолдануда. Электрондық сауда алаңдарына шығарудың үш кезеңінің қорытындысы бойынша өңірдің алты компаниясы («Eurasia Invest Ltd» ЖШС, «АЗИЯ-СМ» ЖШС, «КазПласт» ЖШС, «Kaz-metiz» ЖШС, «Холдинг Алтын Арна» сауда үйі» ЖШС және «Карагандинский мелькомбинат» ЖШС) Alibaba платформасында «Алтын аккаунтқа» ие болды, бір компания («KAZBEEF GROUP» ЖШС) экспорттық акселерация-2020 бағдарламасының қатысушысы болды. Ағымдағы жылы тағы алты компания («АЗИЯ СМ» ЖШС, «Maker» ЖШС, «ЭЛТО энергожүйелер» ЖШС, «QazTehna» ЖШС, «Караганда-Осетр» ЖШС, «QNP-Education» ЖШС) осы бағдарламаға қатысты.

2020 жылдың қорытындысы бойынша Қарағанды облысының 17 кәсіпорны шығындардың бір бөлігін 333,5 млн.теңге сомасына өтетті.

Ағымдағы жылы ВАК-тың 22 отырысының қорытындысы бойынша 11 субъектіден жалпы сомасы 427,3 млн.теңгеге 26 өтінім мақұлданды.

• 09.11.2021
• 222