Тұрақты экономикалық өсу жөніндегі ұлттық жоба шикізаттық емес экспортты 41 млрд.долларға дейін ұлғайтуды көздейді

#ProOfficeSauda

2021 жылғы 5 қарашада ҚР Орталық коммуникациялар қызметінің алаңында Ұлттық экономика министрі А.М. Иргалиевтің тұрақты экономикалық өсу, өңірлер мен бизнесті дамыту жөніндегі ұлттық жобалардың іске асырылуын түсіндіру жөніндегі брифингі өтті.

Брифингке Сауда және интеграция вице-министрі Ержан Қазанбаев та қатысты деп хабарлайды ведомствоның баспасөз қызметі.

Осылайша, «Қазақстандықтардың әл-ауқатын арттыруға бағытталған орнықты экономикалық өсу» (ҚРҮ 2021 жылғы 12 қазандағы №730 қаулысы) ұлттық жобасы шеңберінде Сауда және интеграция министрлігінің алдына шикізаттық емес экспортты 2 есе – 41 млрд.долларға дейін ұлғайту міндеті қойылды.

Қойылған міндетті шешу үшін ҚР Сауда және интеграция министрлігі «Сыртқы сауданың жалпы көлеміндегі шикізаттық емес экспорттың үлесі» көрсеткіші бойынша бірқатар кешенді шаралар қабылдайтын болады.

Мәселен, олардың бірі – экспорттаушыларды қолдаудың қаржылық шаралары шеңберінде өнімді сыртқы нарықтарға ілгерілету және тасымалдауға жұмсалатын шығындарды өтеу көзделеді.

Ағымдағы жылы индустриялық-инновациялық қызметтің 216 субъектісінен жалпы сомасы 5,6 млрд.теңгеге 487 өтінім мақұлданды.

Бұдан басқа, қабылданған шаралар мемлекеттік қолдау шараларын алған компанияларға 2020 жылы өндіріс көлемін 15,7%-ға арттыруға мүмкіндік берді, экспорттық түсім көлемі 90%-ға өсті, салық аударымдарының көлемі 83%-ға ұлғайды.

Қаржылық қолдау шаралары өндіріс көлемін ұлғайтуға, экспорт географиясын кеңейтуге және экспортқа бағдарланған кәсіпорындардың әлеуметтік және экономикалық көрсеткіштерін жақсартуға мүмкіндік береді.

Екінші өлшемшарт экспорттаушыларды қолдаудың қаржылық емес шаралары болады, оған сауда-экономикалық миссиялар жүргізу, ұлттық стендтер ұйымдастыру, экспорттаушылар үшін оқыту жүргізу, кәсіпкерлер үшін экспорт бойынша талдау жүргізу кіреді.

Ағымдағы жылы сауда-экономикалық миссиялар шеңберінде жалпы сомасы 120 млн. АҚШ долларынан астам 49 келісімшарт/құжатқа қол қойылды. Іс-шараларға 150-ден астам қазақстандық өңделген өнім экспорттаушылары қатысты. Жыл соңына дейін Сауда және интеграция министрлігі Дубай мен Шанхайда 1 сауда-экономикалық миссия мен 2 ұлттық стенд ұйымдастыруды жоспарлап отыр.

Сонымен қатар, қаржылық емес шаралар шеңберінде 2022 жылы 94,2 млн. доллар экспорттық түсім, 8 млрд. теңге салықтық түсімдер,
60 –экспорттық келісімдер күтілуде.

Сонымен бірге, отандық кәсіпорындарды экспорттық қолдаудың 24/7 режимі қамтамасыз етілген.

ҚР Сауда және интеграция министрлігінің

баспасөз қызметі

• 09.11.2021
• 167